കണ്ണൂർ സർവകലാശാല വൈസ് ചാൻസലറെ തടഞ്ഞ് യൂത്ത് കോൺഗ്രസ്

ഇല്ല, വിടില്ല!: കണ്ണൂർ സർവകലാശാലയുടെ മലയാളം പഠനവകുപ്പിൽ അസോഷ്യേറ്റ് പ്രഫസറായി മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ.രാഗേഷിന്റെ ഭാര്യ ഡോ. പ്രിയ വർഗീസിന്റെ നിയമനത്തിനു അംഗീകാരം നൽകിയതിൽ പ്രതിഷേധിച്ച് വൈസ് ചാൻസലർ പ്രഫ. ഗോപിനാഥ് രവീന്ദ്രനെ കണ്ണൂർ പയ്യാമ്പലത്ത് തടഞ്ഞ യൂത്ത് കോൺഗ്രസ് ജില്ലാ പ്രസിഡന്റ് സുദീപ് ജയിംസിനെ പിടിച്ചുമാറ്റാനുള്ള പൊലീസിന്റെ ശ്രമം.  ചിത്രം: മനോരമ
ഇല്ല, വിടില്ല!: കണ്ണൂർ സർവകലാശാലയുടെ മലയാളം പഠനവകുപ്പിൽ അസോഷ്യേറ്റ് പ്രഫസറായി മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ.രാഗേഷിന്റെ ഭാര്യ ഡോ. പ്രിയ വർഗീസിന്റെ നിയമനത്തിനു അംഗീകാരം നൽകിയതിൽ പ്രതിഷേധിച്ച് വൈസ് ചാൻസലർ പ്രഫ. ഗോപിനാഥ് രവീന്ദ്രനെ കണ്ണൂർ പയ്യാമ്പലത്ത് തടഞ്ഞ യൂത്ത് കോൺഗ്രസ് ജില്ലാ പ്രസിഡന്റ് സുദീപ് ജയിംസിനെ പിടിച്ചുമാറ്റാനുള്ള പൊലീസിന്റെ ശ്രമം. ചിത്രം: മനോരമ
SHARE

കണ്ണൂർ∙ മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ.രാഗേഷിന്റെ ഭാര്യ പ്രിയ വർഗീസിനെ കണ്ണൂർ സർവകലാശാല മലയാള വിഭാഗം അസോഷ്യേറ്റ് പ്രഫസറായി നിയമിച്ചതിൽ പ്രതിഷേധിച്ച് യൂത്ത് കോൺഗ്രസ് പ്രവർത്തകർ വൈസ് ചാൻസലറെ വഴിയിൽ തടഞ്ഞു. ഇന്നലെ രാവിലെ ഒൻപതരയോടെയാണ് പയ്യാമ്പലം പോസ്റ്റ് ഓഫിസിനു സമീപം വസതിയിൽ നിന്നു സർവകലാശാലയിലേക്ക് വാഹനത്തിൽ പോകുകയായിരുന്ന വൈസ് ചാൻസലർ ഡോ.ഗോപിനാഥ് രവീന്ദ്രനെ തടഞ്ഞത്.

പ്രവർത്തകർ റോഡിൽ കുത്തിയിരുന്ന് പ്രതിഷേധിച്ചു. വനിതാ പൊലീസ് ഇല്ലാത്തതിനാൽ, വാഹനത്തിനു മുന്നിൽ നിന്ന വനിതാ പ്രവർത്തകരെ നീക്കം ചെയ്യാൻ പൊലീസ് പാടു പെട്ടു. ടൗൺ ഇൻസ്പെക്ടർ ശ്രീജിത്ത് കൊടേരിയുടെ നേതൃത്വത്തിലുള്ള പൊലീസ് സംഘം ഒരു വിധത്തിൽ വനിതാ പ്രവർത്തകർക്ക് വലയം തീർത്ത് മറ്റു പ്രവർത്തകരെ ബലം പ്രയോഗിച്ചും നീക്കിയാണ് വൈസ് ചാൻസലറുടെ വാഹനം കടത്തിവിട്ടത്.

യൂത്ത് കോൺഗ്രസ് ജില്ലാ പ്രസിഡന്റ് സുധീപ് ജയിംസ്, സംസ്ഥാന സെക്രട്ടറി കമൽജിത്ത്, വി.രാഹുൽ, പ്രനിൽ മതുക്കോത്ത്, അനൂപ് തന്നട, സി.വി.സുമിത്ത്, ജിജോ ആന്റണി, വി.വി.ലിഷ, വി.രഞ്ജുഷ, ഷോബിൻ തോമസ്, സുജേഷ് പണിക്കർ, സുധീഷ് കുന്നത്ത്, സി.വി.വരുൺ, നിധിൻ നടുവനാട് എന്നിവരാണ് വിസിയെ തടഞ്ഞത്. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

വണ്ടി ഏതായാലും ഓടിക്കാൻ പ്രീതു റെഡിയാണ് | Preethu Rachel Mathew | Lady Driver

MORE VIDEOS