പണമെടുക്കാൻ ചെന്നപ്പോൾ എടിഎമ്മിൽ മൂർഖൻ പാമ്പ്; ഞെട്ടൽ

കാടാച്ചിറ ∙ എടിഎമ്മിൽ പാമ്പ്. കാടാച്ചിറ ടൗണിലെ എസ്ബിഐയുടെ എടിഎം മെഷിനിന് സമീപമാണ് ഇന്നലെ പാമ്പിനെ കണ്ടെത്തിയത്. പണമെടുക്കാൻ ഒരു സ്ത്രീ വന്നപ്പോഴാണ് പാമ്പിനെ കണ്ടത്. ഉടനെ സമീപത്തുള്ളവരെ വിവരമറിയിച്ചു.

വ്യാപാരികളും നാട്ടുകാരും എടിഎമ്മിനു സമീപം എത്തി മൂർഖൻ ആണെന്നു സംശയം പ്രകടിപ്പിച്ചു. തുടർന്ന് ഫോറസ്റ്റ് അധികൃതരെ വിവരമറിയിക്കു കകയായിരുന്നു. ഫോറസ്റ്റ് അധികൃതർ സ്ഥലത്തെത്തി മൂർഖൻ പാമ്പാണെന്നു സ്ഥിരീകരിച്ചു. തുടർന്ന് പാമ്പിനെ എടിഎമ്മിൽ നിന്നു പിടിച്ചുകൊണ്ടുപോയി.