സ്വാതന്ത്ര്യ ദിനം: വിനോദയാത്ര നടത്താൻ കെഎസ്ആർടിസി

കണ്ണൂർ ∙ സ്വാതന്ത്ര്യ ദിനത്തോടനുബന്ധിച്ച് കെഎസ്ആർടിസി കണ്ണൂർ ബജറ്റ് ടൂറിസം സെല്ലിന്റെ നേതൃത്വത്തിൽ വിനോദയാത്ര നടത്തുന്നു. വെള്ളിയാഴ്ച്ച രാത്രി 7ന് കണ്ണൂരിൽ നിന്നു പുറപ്പെട്ട് തിങ്കളാഴ്ച രാവിലെ തിരിച്ചെത്തും. ആദ്യ ദിവസം കെഎസ്ആർടിസി ഡബിൾ ഡെക്കർ ബസിൽ തിരുവനന്തപുരം നഗരം ചുറ്റിക്കാണും.

പത്മനാഭസ്വാമി ക്ഷേത്രം, കുതിരമാളിക, മ്യൂസിയം, പ്ലാനറ്റേറിയം, കോവളം ബീച്ച്, ശംഖുമുഖം ബീച്ച്, ലുലുമാൾ എന്നിവയും കാണാൻ സൗകര്യമൊരുക്കും. രണ്ടാം ദിവസം കുമരകത്ത് ഹൗസ് ബോട്ടിൽ കായൽ സഞ്ചാരവും മറൈൻ ഡ്രൈവിൽ സൈറ്റ് സീൻ സൗകര്യവും ഒരുക്കും. ഡോർമിറ്ററിയിലെ താമസം ഉൾപ്പെടെ ഒരാൾക്ക് 3400 രൂപയാണ് നിരക്ക്. 8089463675, 9496131288, 9048298740.