കണ്ണൂർ ജില്ലയിൽ ഇന്ന് (01-12-2022); അറിയാൻ, ഓർക്കാൻ

റബർ ടാപ്പിങ് പരിശീലനം

തലശ്ശേരി ∙ കൊടോളിപ്രത്തു പ്രവർത്തിക്കുന്ന റബർ ടാപ്പിങ് പരിശീലന കേന്ദ്രത്തിൽ അടുത്ത ബാച്ച് 5നു തുടങ്ങും. 9.30നു കേന്ദ്രത്തിൽ എത്തണം. 8547701452. 

വെള്ളാട്ടം 4ന്

മൂഴിക്കര∙ തളിയാറമ്മന്റവിട മുത്തപ്പൻ മടപ്പുര–ദേവീ ക്ഷേത്രത്തിൽ 4ന് മുത്തപ്പൻ, ശാസ്തപ്പൻ വെള്ളാട്ടം നടക്കും. 5, 6, 18,19 തീയതികളിൽ തിരുവപ്പനയും ഉണ്ടാകും.

വായ പരിശോധന ക്യാംപ് ഇന്ന്

എടൂർ∙ ആറളം മണ്ഡലം 84 – ാം ബൂത്ത് സിയുസികളുടെയും മലബാർ കാൻസർ സെന്ററിന്റെയും നേതൃത്വത്തിൽ ഇന്ന് 9.30 ന് കാരാപറമ്പ് മിൽമ ഹാളിൽ സൗജന്യ വായ പരിശോധന ക്യാംപ് നടത്തും.

അറബി കലിഗ്രഫി മത്സരം

‌ഇരിട്ടി∙ ലോക അറബി ഭാഷാ ദിനാചരണവുമായി ബന്ധപ്പെട്ട് ഉളിയിൽ ഐഡിയൽ കോളജ് ഹയർ സെക്കൻഡറി, ഡിഗ്രി വിദ്യാർഥികൾക്കായി 18 ന് അറബി കലിഗ്രഫി മത്സരം നടത്തും. പ്രായം പരിധി: 15 - 23. സൃഷ്ടികൾ 15 ന് മുൻപായി കോളജിൽ എത്തിക്കണം. ഫോൺ: 8078549282, 95673 09861

ലോകകപ്പ് ക്വിസ് മത്സരം 4 ന്

ഇരിട്ടി∙ ഫിഫ ലോകകപ്പ് ഫുട്ബോളുമായി ബന്ധപ്പെട്ട് ഇരിട്ടി നന്മ ചാരിറ്റബിൾ സൊസൈറ്റി, നന്മ പബ്ലിക് ലൈബ്രറി എന്നിവയുടെ നേതൃത്വത്തിൽ ഇരിട്ടി താലൂക്ക് പരിധിയിലെ യുപി, ഹൈസ്കൂൾ, ഹയർ സെക്കൻഡറി വിഭാഗങ്ങളിലെ വിദ്യാർഥികൾക്കായി നടത്തുന്ന ലോകകപ്പ് ഫുട്ബോൾ ക്വിസ് 4 ന് 10 ന് കീഴൂർ വിയുപി സ്കൂളിൽ നടക്കും. ഫോൺ: 9846863669, 9846046575.

വൈദ്യുതി മുടക്കം

മാതമംഗലം∙ തോക്കാട്, എടോളി, പച്ചാണി, കൂത്തമ്പലം എന്നീ ട്രാൻസ്‌ഫോർമർ പരിധിയിൽ 8–12, കായപൊയിൽ ട്രാൻസ്‌ഫോർമർ പരിധിയിൽ 11 –2, വെള്ളോറ, വെള്ളോറ ടവർ, ചെക്കികുണ്ട് ട്രാൻസ്‌ഫോർമർ പരിധിയിൽ 2–5, കടേക്കര, നടുവിലേക്കുനി ട്രാൻസ്‌ഫോർമർ പരിധിയിൽ 8–5

വെള്ളൂർ∙ തവിടിശ്ശേരി നോർത്ത് ട്രാൻസ്ഫോർമറുകളിൽ 8–4