കണ്ണൂർ ജില്ലയിൽ ഇന്ന് (05-12-2022); അറിയാൻ, ഓർക്കാൻ

ഫുട്ബോൾ ടൂർണമെന്റ് 

പുതിയങ്ങാടി∙ അൽഅമീൻ ആർട്സ് ആൻഡ് സ്പോർട്സ് ക്ലബ് നടത്തുന്ന 27-ാമത് കണ്ണൂർ, കാസർകോട് ജില്ലാതല  ഫുട്ബോൾ ടൂർണമെന്റ് ഈമാസം അവസാന വാരം പുതിയങ്ങാടി ഇ അഹമ്മദ് മിനി സ്റ്റേഡിയത്തിൽ നടക്കും. പങ്കെടുക്കാൻ താൽപര്യമുള്ളവർ റജിസ്റ്റർ ചെയ്യണം. ഫോൺ: 9995860102, 9895484940.അധ്യാപക ഒഴിവ്

അധ്യാപക ഒഴിവ്

കുഞ്ഞിമംഗലം ∙ ഗവ.ഹയർ സെക്കൻഡറി സ്കൂളിൽ പ്ലസ് ടു ഇക്കണോമിക്സ് അധ്യാപക ഒഴിവുണ്ട്.അഭിമുഖം7ന് 10ന്‌ സ്കൂൾ ഓഫിസിൽ.

അധ്യാപക ഒഴിവ്

തടിക്കടവ് ∙ ഗവ.ഹൈസ്കൂളിൽ ഗണിതശാസ്ത്ര അധ്യാപകന്റെ താൽക്കാലിക ഒഴിവുണ്ട്. അഭിമുഖം ഇന്ന് 2ന് സ്കൂൾ ഓഫിസിൽ.

വൈദ്യുതി മുടങ്ങും

പാടിയോട്ടുചാൽ ∙ഹൈടെൻഷൻ ലൈനിൽ അറ്റകുറ്റ പണി നടക്കുന്നതിനാൽ ഇന്ന് 8 മുതൽ 2വരെ ചന്ദ്രവയൽ, ഈങ്കുളം, മുണ്ടർകാനം, വങ്ങാട്, ചാത്തൻപാറ, പൊന്നംവയൽ, കൊട്രാടി, വള്ളിപ്പിലാവ്, കൊരമ്പക്കല്ല്, പോത്താം കണ്ടം, നീലിരിങ്ങ ട്രാൻസ്ഫോർമർ  പരിധിയിൽ വൈദ്യുതി വിതരണം മുടങ്ങും.

രാമപുരം മഹാവിഷ്ണു ക്ഷേത്രം രഥം വലി ഇന്ന് 

പഴയങ്ങാടി∙ രാമപുരം മഹാവിഷ്ണുക്ഷേത്രത്തിൽ രഥോത്സവത്തിന്റെ ഭാഗമായുളള രഥം വലി ഇന്ന് വൈകിട്ട് 6.30ന് . മൂന്ന് ദിവസത്തെ വ്രതശുദ്ധിയോടെ സ്ത്രീ പുരുഷ ഭേദമെന്യേ രഥം വലിയിൽ ഭക്തർ പങ്കാളികളാകും. രാവിലെ 8ന് ഗണപതിഹോമം തുടർന്ന് ദർശനത്തിന് അതിപ്രധാനമുളള ഉത്സവബലി നടക്കും.വൈകിട്ട് 5ന് കലാ നിലയം സതീശൻ മാരാർ നീലേശ്വരം അവതരിപ്പിക്കുന്ന തായമ്പക.

കാർത്തിക ഉത്സവം 7ന്

തളിപ്പറമ്പ് ∙ കീഴാറ്റൂർ കൊളപ്രശേരി പുതിയ ഭഗവതി ക്ഷേത്രത്തിലെ കാർത്തിക ഉത്സവം 7ന് ആഘോഷിക്കും. രാവിലെ 9ന് പാലും അരിയും കയറ്റൽ, കാർത്തിക കലം വയ്ക്കൽ എന്നിവയും രാത്രി ചൊവ്വ വിളക്കോടെ സമാപനവും നടക്കും.

തളിപ്പറമ്പ് ∙ പൂക്കോത്ത് തെരു പൂക്കോത്ത് കൊട്ടാരത്തിൽ കാർത്തിക ഉത്സവം 7ന് ആഘോഷിക്കും. 8 മുതൽ മാതൃസമിതിയുടെ നേതൃത്വത്തിൽ ദേവീ മഹാത്മ്യ പാരായണം. 11.30ന് ദേവീ സ്തോത്ര പാരായണം.

3.30ന് പൂക്കോത്ത് കൊട്ടാരം വാദ്യസംഘത്തിന്റെ പഞ്ചാരിമേളം. 4ന് വിശേഷാൽ കാർത്തികപൂജ. 4.30ന് തായ് പരദേവതയുടെ തിടമ്പ് എഴുന്നള്ളത്ത്. 5ന് പ്രസാദ വിതരണം. 6ന് കാർത്തിക വിളക്ക്.