കാർ വൈദ്യുതി തൂണിലിടിച്ച് തകർന്നു; 5 പേർക്ക് പരുക്ക്
Mail This Article
×
തലശ്ശേരി∙ കണ്ണൂരിലെ വ്യാപാരിയും കുടുംബവും സഞ്ചരിച്ച കാർ ദേശീയപാതയിൽ കോണോർവയലിന് സമീപം വൈദ്യുതി തൂണിലിടിച്ച് തകർന്നു. 5 പേർക്ക് പരുക്കേറ്റു. ഡേവിഡ് (53), ഭാര്യ നിഷ (46), മകൻ ഷെബിൻ (23), ബന്ധു ഷോൺ സി.വിൽസൺ (28), ഭാര്യ ഹർഷ (24) എന്നിവർക്കാണ് പരുക്കേറ്റത്. ഇന്നലെ പുലർച്ചെയാണ് അപകടം.
ഇടിയുടെ ആഘാതത്തിൽ കാറിന്റെ മുൻഭാഗം തകർന്നു. വൈദ്യുതി തൂൺ പൂർണമായും തകർന്നു. ഇവരെ സഹകരണ ആശുപത്രിയിൽ ചികിത്സ നൽകിയതിന് ശേഷം കണ്ണൂരിലെ സ്വകാര്യ ആശുപത്രിയിലേക്ക് മാറ്റി. ഗുരുതരമായി പരുക്കേറ്റ ഡേവിഡിനെ കോഴിക്കോട്ടെ സ്വകാര്യ ആശുപത്രിയിൽ പ്രവേശിപ്പിച്ചു. കുന്ദംകുളം സ്വദേശികളായ കുടുംബം നാട്ടിൽ പോയി തിരിച്ചു വരുന്നതിനിടയിലാണ് അപകടം. വ്യാപാരി വ്യവസായി ഏകോപന സമിതി മേഖലാ പ്രസിഡന്റ് സി.സി. വർഗീസ് ഉൾപ്പെടെയുള്ളവർ സ്ഥലത്ത് എത്തി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.