കണ്ണൂർ ജില്ലയിൽ ഇന്ന് (09-06-2023); അറിയാൻ, ഓർക്കാൻ
Mail This Article
കോഴ്സ് അനുവദിച്ചു : തളിപ്പറമ്പ് ∙ കണ്ണൂർ സർവകലാശാലക്ക് കീഴിൽ തളിപ്പറമ്പ് ലൂർദ് ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജിയിൽ ബിഎസ്‍സി കംപ്യൂട്ടർ സയൻസ് ആൻഡ് മിഷൻ ലേണിങ് കോഴ്സ് അനുവദിച്ചതായി അധികൃതർ അറിയിച്ചു. സർവകലാശാലയുടെ ഏകജാലക സംവിധാനം വഴിയാണ് അപേക്ഷിക്കേണ്ടത്. ബിരുദ സർട്ടിഫിക്കറ്റിനൊപ്പം ആ‍ഡ് ഓൺ കോഴ്സ് സർട്ടിഫിക്കറ്റും ലഭിക്കം. വിവരങ്ങൾക്ക്: 8848181837. www.lourdeacademy.com.
റേഷൻ കട സ്ഥിരംലൈസൻസി:അപേക്ഷ ക്ഷണിച്ചു
പയ്യന്നൂർ താലൂക്കിൽ ഭിന്നശേഷി സംവരണ വിഭാഗക്കുള്ള എആർഡി നമ്പർ 120 റേഷൻ കടക്ക് സ്ഥിരം ലൈസൻസി നിയമനത്തിനായി അപേക്ഷ ക്ഷണിച്ചു. എസ്എസ്എൽസി പാസായ ഭിന്നശേഷി വിഭാഗക്കാർക്ക് അപേക്ഷിക്കാം. അപേക്ഷ ജൂലൈ 7ന് വൈകിട്ട് 3നകം ജില്ലാ സപ്ലൈ ഓഫിസിൽ ലഭിക്കണം. 0497 27005520
സ്‌ക്രൈബ്സ് കോഴ്സ്
ലൈസൻസ് നിയന്ത്രണങ്ങളില്ലാതെ ഉപയോഗിക്കാൻ കഴിയുന്ന സ്‌ക്രൈബ്സ് സ്വതന്ത്ര ഡിടിപി സോഫ്റ്റ്‌വെയറിൽ ഓൺലൈൻ പരിശീലനത്തിന് കൈറ്റ് അപേക്ഷ ക്ഷണിച്ചു. www.kite.kerala.gov.in
മെഡിക്കൽ ഓഫിസർ നിയമനം
പയ്യന്നൂർ താലൂക്ക് ആശുപത്രിയിലെ ലഹരി വിമുക്തി കേന്ദ്രത്തിലേക്ക് മെഡിക്കൽ ഓഫിസറെ താൽക്കാലികമായി നിയമിക്കുന്നു. അഭിമുഖം 15ന് രാവിലെ 10ന് ജില്ലാ മെഡിക്കൽ ഓഫിസറുടെ (ആരോഗ്യം) ചേംബറിൽ. ഫോൺ– 0497 2700194.
സേഫ് പദ്ധതി:അപേക്ഷ ക്ഷണിച്ചു
2006 ഏപ്രിൽ 1ന് ശേഷം നിർമിച്ചതും 2018 ഏപ്രിൽ 1ന് ശേഷം ഭവന പുനരുദ്ധാരണത്തിനോ ഭവന പൂർത്തീകരണത്തിനോ സർക്കാർ ധനസഹായം കൈപ്പറ്റാത്തതുമായ വീടുകൾക്കായി സേഫ് ഭവന പൂർത്തീകരണ പദ്ധതിക്കായി അപേക്ഷിക്കാം. രണ്ടര ലക്ഷം രൂപയിൽ താഴെ വരുമാനമുള്ള പട്ടികവർഗക്കാർക്കാണ് അർഹത. www.stdd.kerala.gov.in
എംഎസ്‌സി,എംകോം
പട്ടുവം കോളജ് ഓഫ് അപ്ലൈഡ് സയൻസിൽ എംഎസ്‌സി കംപ്യൂട്ടർ സയൻസ്, എംകോം ഫിനാൻസ് കോഴ്സുകളിലേക്ക് അപേക്ഷ ക്ഷണിച്ചു. www.ihrdadmissions.org വഴി അപേക്ഷിക്കാം. 8547005048, 9447964008.
സിഡിറ്റ് കോഴ്സ്
കേരള സർക്കാർ സ്ഥാപനമായ സിഡിറ്റിന്റെ കണ്ണൂർ ജില്ലയിലെ പഠന കേന്ദ്രത്തിൽ ആരംഭിക്കുന്ന ഡിപ്ലോമ ഇൻ കംപ്യൂട്ടർ ആപ്ലിക്കേഷൻ, അക്കൗണ്ടിങ്, ഓഫിസ് ഓട്ടമേഷൻ ഡേറ്റ എൻട്രി, ടാലി, ഡിടിപി, എംഎസ് ഓഫിസ്, പൈത്തൺ എന്നീ കോഴ്സുകളിലേക്ക് അപേക്ഷ ക്ഷണിച്ചു.
ഡിപ്ലോമ കോഴ്സ്
കണ്ണപുരം ഗവ.കൊമേഴ്സ്യൽ ഇൻസ്റ്റിറ്റ്യൂട്ടിൽ ദ്വിവത്സര സെക്രട്ടേറിയൽ പ്രാക്ടീസ് ഡിപ്ലോമ കോഴ്സിന് അപേക്ഷ ക്ഷണിച്ചു. അപേക്ഷ 30നു മുമ്പു സമർപ്പിക്കണം. www.polyadmission.org/gci. 04972 861819.
