ഉരുവച്ചാൽ ∙വഴി യാത്രക്കാർക്കു വേണ്ടി നിർമിച്ച ശുചിമുറി ഉൾപ്പെടെയുള്ള വഴിയിടം നിർമാണം പൂർത്തിയായിട്ടും തുറക്കാൻ നടപടിയായില്ല. കെട്ടിടത്തിനു ചുറ്റും കാടും പടർപ്പും കയറുന്നു. മാങ്ങാട്ടിടം പഞ്ചായത്തിലെ നീർവേലിയിൽ മെരുവമ്പായി പാലത്തിനു സമീപത്താണ്

വഴി യാത്രക്കാർക്ക് ഉപയോഗിക്കാനുള്ള കെട്ടിടം നിർമിച്ചത്. പണി പൂർത്തിയായിട്ട് രണ്ടു വർഷത്തോളമായിട്ടും അടഞ്ഞുകിടക്കുകയാണ്.  കെട്ടിടത്തിന്റെ മുൻഭാഗത്ത് മാലിന്യം നിറച്ച ചാക്കുകൾ കൂട്ടിയിട്ടിരിക്കയാണ്. തലശ്ശേരി - കുടക് റൂട്ടിലെ പ്രധാന റോഡിലാണ് വഴിയാത്രക്കാർക്ക് ഏറെ പ്രയോജനകരമാകേണ്ട പദ്ധതി മുടങ്ങിക്കിടക്കുന്നത്.