പരിയാരം∙ നബിദിന ആഘോഷ പരിപാടിക്ക് പോയ സമയത്ത് പ്രവാസിയുടെ വീട്ടിൽ നിന്നും 35 പവൻ സ്വർണാഭരണവും 15,000 രൂപയും കവർച്ച നടത്തി. പരിയാരം ചിതപ്പിലെപൊയിലില്‍  പളുങ്കുബസാറിലെ നാജിയാ മന്‍സിലില്‍ അബ്ദുള്ളയുടെ വീട്ടിലാണ് വൻ കവര്‍ച്ച നടന്നത്. അബ്ദുള്ളയും കുടുംബവും ഇന്നലെ രാത്രി വീട് പൂട്ടി  സമീപത്തെ പള്ളിയില്‍ നബിദിനാഘോഷത്തിനു പോയിരുന്നു.

വീടിന്റെ പിറകുവശത്തെ ജനലിന്റെ ഗ്രില്‍സ് ഗ്യാസ് കട്ടര്‍ ഉപയോഗിച്ച് മുറിച്ചാണ് മോഷ്ടാവ് അകത്തുകടന്നത്. വീട്ടിനകം മുഴുവന്‍ വാരിവലിച്ചിട്ട നിലയിലാണ്. സി.സി.ടി.വി കാമറയിൽ രാത്രി 9.50 ന് ഗ്രില്‍സ് മുറിക്കുന്നതിന്റെ ദൃശ്യം കാണുന്നുണ്ട്. രാത്രി 12.30 ന് വീട്ടുകാര്‍ പള്ളിയില്‍ നിന്ന് എത്തിയപ്പോഴാണ് മോഷണം നടന്നത് അറിഞ്ഞത്. പരിയാരം പൊലീസ് സ്ഥലത്തെത്തി പരിശോധന നടത്തി.