പീഡനം: രണ്ടാനമ്മയുടെ പിതാവിന് ജീവപര്യന്തം

മട്ടന്നൂർ ∙ 15 വയസ്സുകാരിയെ മദ്യം നൽകി പീഡിപ്പിച്ച കേസിൽ കുട്ടിയുടെ രണ്ടാനമ്മയുടെ പിതാവിനു ജീവപര്യന്തം തടവും 1,57,000 രൂപ പിഴയും ശിക്ഷ വിധിച്ചു. പീഡനം നടന്നതു മറച്ചുവച്ചതിന് കുട്ടിയുടെ രണ്ടാനമ്മയ്ക്ക് കോടതി കഴിയും വരെ തടവും 5000 രൂപ പിഴയും ശിക്ഷ വിധിച്ചു.

മട്ടന്നൂർ പോക്സോ കോടതി ജഡ്ജി അനിറ്റ് ജോസഫ് ആണ് ഇരുവർക്കും ശിക്ഷവിധിച്ചത്. 2019ൽ കരിക്കോട്ടക്കരി പൊലീസ് റജിസ്റ്റർ ചെയ്ത കേസിലാണ് ശിക്ഷാവിധി. ഡിവൈഎസ്പി സജേഷ് വാഴവളപ്പിൽ, കരിക്കോട്ടക്കരി എസ്ഐ ആയിരുന്ന ശിവൻ ചോടോത്ത് എന്നിവരുടെ നേതൃത്വത്തിലാണ് കേസ് എടുത്ത് അന്വേഷണം പൂർത്തിയാക്കി കുറ്റപത്രം നൽകിയത്.