ADVERTISEMENT

തലശ്ശേരി∙പുതിയ ബസ് സ്റ്റാൻഡ് പച്ചക്കറി മാർക്കറ്റ് പരിസരത്ത് റെയിൽപാളത്തിലൂടെയുള്ള അനധികൃത നടത്തം തടയാൻ റെയിൽവേ നടപടി. പച്ചക്കറി മാർക്കറ്റിന് പിറകിൽ ഷീറ്റുകൾ സ്ഥാപിച്ച് പാളത്തിൽ പ്രവേശിക്കുന്നത് തടഞ്ഞു. എസ്ഐ കെ.വി. മനോജ്കുമാറിന്റെ നേതൃത്വത്തിൽ ആർപിഎഫും റെയിൽവേ പെർമനന്റ് വേ ജീവനക്കാരും ചേർന്നാണ് ജനങ്ങളുടെ സുരക്ഷ ഉറപ്പാക്കുന്നതിന്റെ ഭാഗമായി ഇവിടെ ഷീറ്റ് മറച്ചു സുരക്ഷിതമാക്കിയത്.

മാർക്കറ്റിൽ നിന്ന് പാളം കുറുകെകടന്നു മറുഭാഗത്തേക്ക് യാത്ര ചെയ്യുന്നത് വലിയ ദുരന്തത്തിന് കാരണമാവുന്നുവെന്നു കണ്ടാണ് നടപടി. ദിവസവും വിദ്യാർഥികൾ ഉൾപ്പെടെ നൂറുകണക്കിനാളുകളാണ് ഇതുവഴി പാളം കുറുകെകടക്കുന്നത്. കഴിഞ്ഞ ആറു മാസത്തിനിടയിൽ ഇവിടെ രണ്ട് പേർ പാളം മുറിച്ചു കടക്കുന്നതിനിടയിൽ ട്രെയിൻ തട്ടി മരിച്ചു. നേരത്തെ മണിക്കൂറിൽ 60 കി.മീറ്റർ വേഗത്തിൽ ഓടിക്കൊണ്ടിരുന്ന ട്രെയിനുകൾ ‍നിലവിൽ 120 കിലോമീറ്റർ വേഗത്തിലാണ് ഓടിക്കൊണ്ടിരിക്കുന്നത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com