കെഎസ്ടിപി റോഡിൽ അപകടക്കുഴികൾ

പാപ്പിനിശ്ശേരി ∙ പാപ്പിനിശ്ശേരിയിൽ കെഎസ്ടിപി റോഡ് തകർന്നു അപകടക്കുഴികളായി. കരിക്കൻകുളം, ഹാജി റോഡ്, ഇഎംഎസ് സ്മാരക ഗവ.ഹയർസെക്കൻഡറി സ്കൂൾ, കെ.കണ്ണപുരം എന്നിവിടങ്ങളിൽ റോഡ് തകർന്നു.ടാറിങ്ങിന്റെ മേൽപാളി തകർന്ന കുഴിയിൽ വീഴാതിരിക്കാൻ വാഹനങ്ങൾ പെട്ടെന്നു വെട്ടിക്കുന്നത് അപകടങ്ങൾക്കും ഇടയാകുന്നു. റോഡിന്റെ ഒരു ഭാഗത്ത് വിള്ളൽ കൂടി രൂപപ്പെട്ടു. വ്യാപക പരാതിയെത്തുടർന്നു കഴിഞ്ഞ മാസം ചെറുകുന്ന്, കണ്ണപുരം എന്നിവിടങ്ങളിൽ ടാറിങ് നടന്നിരുന്നു. ദേശീയപാത നിർമാണം നടക്കുന്നതിനാൽ ബൈപാസ് റോഡെന്ന നിലയിൽ ഇതുവഴി നൂറുകണക്കിന് വാഹനങ്ങളാണ് കടന്നുപോകുന്നത്.