ADVERTISEMENT

സെന്റാക് പ്രവേശന നടപടികൾനിർത്തിവച്ചു; മാഹി ∙ പുതുച്ചേരി സർക്കാരിന്റെ ഉന്നതസാങ്കേതിക വിദ്യാഭ്യാസ കേന്ദ്രീകൃത അഡ്മിഷൻ കമ്മിറ്റി (സെന്റാക്) പ്രവേശന പ്രക്രിയകൾ താൽക്കാലികമായി നിർത്തിവച്ചു. മദ്രാസ് ഹൈക്കോടതിയിൽ ഫയൽ ചെയ്ത കേസിന്റെ അടിസ്ഥാനത്തിലാണ് നിരോധനം.

ശുദ്ധജലവിതരണം മുടങ്ങും
∙ അഞ്ചരക്കണ്ടി, പെരളശ്ശേരി ശുദ്ധജല പദ്ധതിയുടെ പരിധിയിലുള്ള പെരളശ്ശേരി, കടമ്പൂർ, മുഴപ്പിലങ്ങാട്, ചെമ്പിലോട്, പിണറായി, അഞ്ചരക്കണ്ടി, വേങ്ങാട്, എരഞ്ഞോളി, കതിരൂർ എന്നീ പഞ്ചായത്തുകളിലും കണ്ണൂർ കോർപറേഷൻ പരിധിയിലുള്ള ചേലോറ സോണിലും 8, 9 തീയതികളിൽ ശുദ്ധജല വിതരണം പൂർണമായും തടസ്സപ്പെടുമെന്ന് കേരള വാട്ടർ അതോറിറ്റി അസിസ്റ്റന്റ് എക്‌സി. എൻജിനീയർ അറിയിച്ചു. ഫോൺ: 0497 2828586.
തലശ്ശേരി ∙ അമൃത് പ്രവൃത്തിയുടെ ഭാഗമായി കൂത്തുപറമ്പ് മുനിസിപ്പാലിറ്റി പരിധിയിൽ പ്രവൃത്തി നടക്കുന്നതിനാൽ നാളെയും 10നും 12നും കൂത്തുപറമ്പ് നഗരസഭ പരിധിയിൽ ശുദ്ധജല വിതരണം പൂർണമായും തടസ്സപ്പെടുമെന്നു ജല അതോറിറ്റി അസിസ്റ്റന്റ് എക്സിക്യൂട്ടീവ് എൻജിനീയർ അറിയിച്ചു. 

ഹൈപ്പോ സൊലൂഷൻ:ക്വട്ടേഷൻ ക്ഷണിച്ചു
തലശ്ശേരി∙ ജനറൽ ആശുപത്രിയിൽ ഉപയോഗ ശേഷമുള്ള 260 ലീറ്റർ ഹൈപ്പോസൊലൂഷൻ വില കൊടുത്ത് നീക്കം ചെയ്യുന്നതിന് ക്വട്ടേഷൻ ക്ഷണിച്ചു. ക്വട്ടേഷനുകൾ ആശുപത്രി സൂപ്രണ്ടിന്റെ പേരിൽ 12ന് 11 മണിക്കകം ഓഫിസിൽ ലഭിക്കണം.

അധ്യാപക ഒഴിവ്
തലശ്ശേരി∙ കേന്ദ്രീയ വിദ്യാലയത്തിൽ താൽക്കാലിക ഒഴിവിലേക്ക് മലയാളം ഇൻസ്ട്രക്ടറെ ആവശ്യമുണ്ട്. ഒൻപതിനകം അപേക്ഷിക്കണം. അപേക്ഷാഫോം വിദ്യാലയ വെബ്സൈറ്റിൽ ലഭിക്കും. https://thalessery.kvs.ac.in ഫോൺ: 0490 2348215.

ബിരുദ പ്രവേശനം
ചെണ്ടയാട്∙ മഹാത്മഗാന്ധി ആർട്സ് ആൻഡ് സയൻസ് കോളജിൽ ബിഎസ്‍സി കംപ്യൂട്ടർ സയൻസ്, ബികോം വിത്ത് കംപ്യൂട്ടർ ആപ്ലിക്കേഷൻ, ട്രാവൽ ആൻഡ് ടൂറിസം മാനേജ്മെന്റ്  കോഴ്സുകളിൽ പ്രവേശനം ആഗ്രഹിക്കുന്നവർ ഒൻപതിന് 11ന് കോളജ് ഓഫിസിൽ എത്തണം. 9995121102

അപേക്ഷ ക്ഷണിച്ചു
ചപ്പാരപ്പടവ്∙ പഞ്ചായത്തിൽ  2024-25 വാർഷിക പദ്ധതിയിൽ വ്യക്തിഗത പദ്ധതിക്കുള്ള അപേക്ഷ ക്ഷണിച്ചു. അപേക്ഷ ഫോമുകൾ പഞ്ചായത്ത് അംഗങ്ങളിൽ നിന്നും പഞ്ചായത്ത് ഓഫിസ് നിന്നും ലഭിക്കുന്നതാണ്. അപേക്ഷ തിരികെ ലഭിക്കാനുള്ള അവസാന തീയതി 10.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com