ശ്രീകണ്ഠപുരം ചെമ്പൻതൊട്ടിയിൽ നടപ്പാതയിലെ കൂറ്റൻ മരം ദുരിതമാകുന്നു

ശ്രീകണ്ഠപുരം∙ ചെമ്പൻതൊട്ടിയിൽ നടപ്പാതയിലെ കൂറ്റൻ മരം നാട്ടുകാർക്കും സ്കൂൾ കുട്ടികൾക്കും ഭീഷണിയായി. നിടിയേങ്ങ സർവീസ് സഹകരണ ബാങ്കിന്റെ ചെമ്പൻതൊട്ടിയിലെ ഹെഡ് ഓഫിസ് പരിസരത്താണ് മരം. ഇതിന്റെ കമ്പ് ഒടിഞ്ഞ് വൈദ്യുതലൈനിൽ വീണ് ഗതാഗതം തടസ്സപ്പെട്ടത് അടുത്തകാലത്താണ്. ഓവുചാലിൽ നിൽക്കുന്നതുകൊണ്ട് മഴ പെയ്താൽ വെള്ളം പുറത്തേക്ക് ഒഴുകുകയാണ്. ചെറുപുഷ്പം യുപി സ്കൂളിലേക്ക് പോകുന്ന കുട്ടികൾക്ക് ഇത് വലിയ ദുരിതമാണ് ഉണ്ടാക്കുന്നത്. നേരത്തേയും ഇതിന്റെ ശിഖരങ്ങൾ ഒടിഞ്ഞ് റോഡിലേക്ക് വീണിരുന്നു.