അടിത്തറ ഇളകി ജലസംഭരണി: ഭീതിയോടെ നാട്ടുകാർ

പഴയങ്ങാടി ∙ താരാപുരം വാടിക്കൽ റോഡിലെ ജല അതോറിറ്റിയുടെ കാലപ്പഴക്കം ചെന്ന ജലസംഭരണിയുടെ അടിത്തറ ഇളകി. പ്രദേശത്തെ ശുദ്ധജലക്ഷാമം പരിഹരിക്കാൻ വേണ്ടിയാണ് വർഷങ്ങൾക്ക് മുൻപ് ജലസംഭരണിയും സമീപത്തായി കിണറും സ്ഥാപിച്ചത്. താരാപുരം, വാടിക്കൽകടവ് എന്നീ പ്രദേശങ്ങളിൽ ഈ ജലസംഭരണി വഴിയാണ് ശുദ്ധജലം എത്തിച്ചിരുന്നത്. പുതിയ ജലവിതരണസംവിധാനം വന്നതോടെ കിണറും ജലസംഭരണിയും ഉപയോഗശൂന്യമായി.ജലസംഭരണിക്ക് സമീപത്തായി വലിയ ആൽമരവും ഉണ്ട്. അപകടാവസ്ഥയിലായ ജലസംഭരണി പൊളിച്ച് നീക്കാൻ നടപടിവേണമെന്നാണ് നാട്ടുകാർ പറയുന്നത്.