റബർത്തോട്ടത്തിന് തീപിടിച്ചു; വൈദ്യുതലൈനിൽ നിന്നു തീപടർന്നതാണെന്നു സംശയം

ചെറുപുഴ∙ പെരുങ്കുടൽ റോഡിലെ പനയംന്തട്ട വിപിന്റെ റബർ തോട്ടത്തിന് തീപിടിച്ചു. ഇന്നലെ ഉച്ചയ്ക്ക് 2.30നാണ് സംഭവം. വൈദ്യുതലൈനിൽ നിന്നു തീപടർന്നതാണെന്നു സംശയിക്കുന്നു. അര ഏക്കറോളം സ്ഥലത്തെ അടിക്കാടുകൾ പൂർണമായും കത്തിനശിച്ചു.ഈ സമയം ഇതുവഴി ഇരുചക്രവാഹനത്തിൽ പോയ പ്രാപ്പൊയിലിലെ എം.വി.വിനോദ്, സി.വി.സുമേഷ് എന്നിവരും പരിസരവാസികളും ചേർന്നു തീ പടരുന്നത് തടഞ്ഞതിനാൽ വൻദുരന്തം ഒഴിവായി. പെരിങ്ങോത്ത് നിന്നെത്തിയ അഗ്നിരക്ഷാസേന ഓഫിസർ സന്തോഷ് കുമാർ, കെ.വിശാൽ, പി.എ.അനൂപ്, എസ്.അനുരാഗ്, വി.എൻ.രവീന്ദ്രൻ, കെ.രജീഷ് എന്നിവരുടെ നേതൃത്വത്തിലുള്ള സംഘം തീ പൂർണമായും അണച്ചു.