റോഡിന്റെ ശോചനീയാവസ്ഥ പരിഹരിക്കണം; ചാവശ്ശേരി - വെളിയമ്പ്ര റോഡ് സംരക്ഷണസമിതി പ്രക്ഷോഭത്തിലേക്ക്

മട്ടന്നൂർ∙ ചാവശ്ശേരി - വെളിയമ്പ്ര റോഡിന്റെ ശോചനീയാവസ്ഥ പരിഹരിക്കണമെന്ന് ആവശ്യപ്പെട്ട് റോഡ് സംരക്ഷണ സമിതി പ്രക്ഷോഭത്തിന് ഒരുങ്ങുന്നു. പൊട്ടിപ്പൊളിഞ്ഞു കിടക്കുന്ന റോഡിൽ പൈപ്പ് ലൈൻ സ്ഥാപിക്കാൻ കുഴിയെടുക്കുക കൂടി ചെയ്തതോടെ ചെറിയ വാഹനങ്ങൾക്ക് ഓടാൻ പറ്റാത്ത അവസ്ഥയായി.ഇരിട്ടി നഗരസഭ ഓഫിസിനു മുന്നിലും വാട്ടർ അതോറിറ്റി ഓഫിസിനു മുന്നിലും സമരം നടത്താൻ സംരക്ഷണ സമിതി തീരുമാനിച്ചു. യോഗത്തിൽ ചെയർമാൻ രവീന്ദ്രൻ മുണ്ടയാടൻ അധ്യക്ഷത വഹിച്ചു.രജീഷ് പറയാനാട്. എം. വ.ി ഗോവിന്ദൻ, രവീന്ദ്രൻ ചെമ്മേരി, കെ.ദിനേശൻ, കെ.കെ.പ്രദീപൻ, സി.പ്രദീശൻ, പി.സുരേഷ് ബാബു, ഷൈമ പ്രദീപ്, സി.പി.പത്മരാജ് എന്നിവർ പ്രസംഗിച്ചു.