അമിതവേഗത്തിൽ വന്ന ലോറി പാലത്തിന്റെ ഡിവൈഡറിലേക്ക് ഇടിച്ചുകയറി

പഴയങ്ങാടി∙ കണ്ണൂർ ഭാഗത്ത് നിന്നു മംഗളൂരുലേക്ക് പോവുകയായിരുന്ന ചരക്ക് ലോറി അമിത വേഗത്തിൽ  രാമപുരം പാലത്തിന്റെ ഡിവൈഡറിലേക്ക് ഇടിച്ചു കയറി. ഇന്നലെ രാത്രി ഏഴോടെയാണ്  അപകടം. ചരക്ക് ഇറക്കി പോകുന്ന ലോറിയാണ് അപകടത്തിൽപെട്ടത്.  ലോറി ഒരു ഭാഗത്തേക്ക് ചെരിഞ്ഞ നിലയിലാണ്. ഡ്രൈവർ മാത്രമാണ് ലോറിയിൽ  ഉണ്ടായത്. 

രാമപുരം പഴയ പാലത്തിന്റെയും പുതിയ പാലത്തിന്റെയും മധ്യത്തിലുളള ഡിവൈഡറിലാണ് ലോറി ഇടിച്ച് കയറിയത്.  വിവരമറിഞ്ഞ് പഴയങ്ങാടി പൊലീസ്, നാട്ടുകാർ എന്നിവർ സ്ഥലത്തെത്തി രക്ഷാപ്രവർത്തനം നടത്തി. അപകടസമയത്ത്  പുതിയ പാലത്തിലൂടെ വാഹനങ്ങൾ കടന്നുവരാത്തത് ഭാഗ്യമായി. ഡിവൈഡർ ഭാഗികമായി തകർന്നിട്ടുണ്ട്.പാലത്തിൽ വെളിച്ചം ഇല്ലാത്തതും  സിഗ്നൽ സംവിധാനം ഇല്ലാത്തതും   അപകടങ്ങൾക്കു  കാരണമാകുന്നതായി നാട്ടുകാർ പറഞ്ഞു.