ഐസ് പ്ലാന്റിൽ അമോണിയ ഗ്യാസ് ചോർന്നു; കുടുംബങ്ങളെ മാറ്റിപ്പാർപ്പിച്ചു

കണ്ണൂർ ∙ ആയിക്കര മേഡൺ ഐസ് പ്ലാന്റിൽ അമോണിയ ഗ്യാസ് ചോർന്നതിനെത്തുടർന്ന് കുടുംബങ്ങളെ മാറ്റിപ്പാർപ്പിച്ചു. വ്യാഴം രാവിലെ 5 മണിയോടെയാണ് ചോർച്ചയുണ്ടായത്. ഗ്യാസ് പരിസരം മുഴുവൻ വ്യാപിച്ചു. അഗ്നിരക്ഷാ സേന എത്തി രണ്ട് മണിക്കൂറു നേരത്തെ പരിശ്രമത്തിനൊടുവിലാണ് ചോർച്ച അടച്ചത്. ഐസ് പ്ലാന്റിനോട് ചേർന്നു താമസിക്കുന്ന അഞ്ചോളം കുടുംബങ്ങളെ മാറ്റിപ്പാർപ്പിച്ചു.