വോട്ടെടുപ്പ് ദിവസം ദേ ഇത്തരത്തിലുള്ള മാസ്ക് പാടില്ല, തിരഞ്ഞെടുപ്പ് കമ്മിഷൻ നിബന്ധന ഇങ്ങനെ

കാസർകോട് ∙ വോട്ടെടുപ്പ് ദിവസം  ബൂത്തുകളിൽ മാസ്ക് ധരിക്കുന്നതിനു തിരഞ്ഞെടുപ്പ് കമ്മിഷന്റെ നിബന്ധന. പഞ്ചായത്തിലെ ബൂത്തുകളിൽ 200 മീറ്റർ പരിധിയിലും നഗരസഭയിലെ ബൂത്തുകളിൽ 100 മീറ്റർ പരിധിയിലും രാഷ്ട്രീയ കക്ഷികളുടെ പേര് , ചിഹ്നം എന്നിവ ആലേഖനം ചെയ്ത മാസ്ക് ഉപയോഗിക്കാൻ പാടില്ലെന്ന വ്യവസ്ഥ മാതൃക പെരുമാറ്റ ചട്ടത്തിൽ ഉൾപ്പെടുത്തി.  പൊതു തിരഞ്ഞെടുപ്പിൽ രാഷ്ട്രീയ പാർട്ടി പ്രവർത്തകരും സ്ഥാനാർഥികളും അവരവരുടെ നിറവും പേരും ചിഹ്നവും ഉള്ള മാസ്ക് ഉപയോഗിക്കുന്നത് സംബന്ധിച്ച് അനൂപ് കളനാട് അയച്ച കത്തിനുള്ള മറുപടിയിൽ ആണ്  തിരഞ്ഞെടുപ്പ് കമ്മിഷൻ ഇക്കാര്യം അറിയിച്ചത്.