അനധികൃത കർണാടക മദ്യവും വാഷും പിടിച്ചെടുത്ത് എക്സൈസ്

ബദിയടുക്ക ∙ അനധികൃത മദ്യവും വാഷും ബദിയടുക്ക എക്സൈസ് സംഘം പിടിച്ചെടുത്തു. 2 പേരെ അറസ്റ്റു ചെയ്തു. 40 ലീറ്റർ വാഷുമായി അഡൂർ പാണ്ടി നീലംമ്പാറയിലെ വി.എൻ.ഗുരുപ്രസാദിനെയാണ് (35) ബദിയടുക്ക എക്സൈസ് സംഘം അറസ്റ്റു ചെയ്തത്. വീടിനു സമീപത്തെ ഷെഡിൽ സൂക്ഷിച്ചിരുന്ന വാഷാണു പിടിച്ചെടുത്തത്.

സ്കൂട്ടറിൽ കടത്തിയ 10.80 ലീറ്റർ കർണാടക മദ്യവുമായി നെക്രാജെയിലെ കൊടകോളുവിലെ കെ.ജെ.പ്രസാദിനെനെയും (35) അറസ്റ്റ് ചെയ്തു. കഴിഞ്ഞ ദിവസം രാത്രിയാണ് അറസ്റ്റ് ചെയ്തത്. ബദിയടുക്ക റേഞ്ച് ഇൻസ്പെക്ടർ എച്ച്.വിനു, പ്രവന്റീവ് ഓഫിസർ പി.രാജീവൻ, സിഇഒമാരായ ആർ.രമേശൻ, കെ.അഫ്സൽ, ശരത് എസ്.നായർ, പിസിഇഒമാരായ അമൽ ജിത്ത്, ബി.വിനോദ്, വി.ബാബു, അശ്വതി, ഡ്രൈവർ രാധാകൃഷ്ണൻ എന്നിവരാണു സംഘത്തിലുണ്ടായിരുന്നത്.