കുത്തനെയുള്ള കയറ്റവും കൊടുംവളവും പരപ്പച്ചാലിൽ വാഹന അപകടങ്ങൾ പതിവാകുന്നു; നാട്ടുകാർ ഭീതിയിൽ

കുന്നുംകൈ∙നീലേശ്വരം മുക്കട ചിറ്റാരിക്കാൽ മരാമത്ത് റോഡിലെ  പരപ്പച്ചാലിൽ വാഹന അപകടങ്ങൾ പതിവാകുന്നതിൽ നാട്ടുകാർ ഭീതിയിൽ. കഴിഞ്ഞ ദിവസം രാവിലെയും രാത്രിയിലും ഒരേ സ്ഥലത്ത് ഉണ്ടായ ലോറി അപകടത്തിൽ ഒരാൾ മരിക്കുകയും രണ്ട് പേർക്ക് പരുക്കേൽക്കുകയും ചെയ്തതോടെയാണ് നാട്ടുകാർ ഭീതിയിലായത്. മൂന്ന് മാസം മുൻപ് പാലത്തിന് സമീപത്ത് റേഷനരിയുമായി വന്ന ലോറിയും അപകടത്തിൽ പെട്ടിരുന്നു.  കാലിച്ചാമരം മുതൽ പരപ്പച്ചാൽ വരെയുള്ള കുത്തനെയുള്ള കയറ്റവും കൊടുംവളവുകളുമാണ്  അപകടം വർധിക്കാൻ കാരണമെന്നാണ് നാട്ടുകാരുടെ ആക്ഷേപം.