കാസർകോട് ജില്ലയിൽ ഇന്ന് (02-12-2022); അറിയാൻ, ഓർക്കാൻ

വായ്പാ കുടിശിക അടച്ചു തീർക്കണം

കാസർകോട് ∙ കേരള ഖാദി ഗ്രാമ വ്യവസായ ബോർഡിന്റെ സിബിസി / പാറ്റേൺ പദ്ധതി പ്രകാരം വ്യവസായ യൂണിറ്റുകൾ ആരംഭിക്കുന്നതിനായി ബോർഡിൽ നിന്ന് വായ്പയെടുത്ത് കുടിശിക വരുത്തിയവർ നോട്ടിസ് ലഭിച്ച് 15 ദിവസത്തിനകം അടച്ചു തീർക്കണം. വീഴ്ച വരുത്തുന്നവർക്കെതിരെ റവന്യു റിക്കവറി നടപടികൾ കൈക്കൊള്ളും. 0467–2200585.

വിദ്യാഭ്യാസ ധനസഹായം

കാസർകോട് ∙ കർഷകത്തൊഴിലാളി ക്ഷേമനിധി ബോർഡിലെ തൊഴിലാളികളുടെ മക്കൾക്കുള്ള വിദ്യാഭ്യാസ ധനസഹായത്തിന് അപേക്ഷിക്കാം. ക്ഷേമനിധി അംഗത്വം എടുത്ത് 2022 മേയ് 31ന് 2 വർഷം പൂർത്തീകരിച്ച് കുടിശിക കൂടാതെ വിഹിതം അടച്ചു വരുന്ന തൊഴിലാളികളുടെ മക്കൾക്കാണു ധനസഹായത്തിന് അർഹത. അപേക്ഷ ജനുവരി 15 വരെ സ്വീകരിക്കുമെന്ന് റീജനൽ ഓഫിസർ അറിയിച്ചു.

ജോലി ഒഴിവ്

കാസർകോട് ∙ ജില്ലാ ദേശീയ ആരോഗ്യ ദൗത്യം പദ്ധതിക്കു കീഴിൽ അഡോളസന്റ് ഹെൽത്ത് കൗൺസിലർ തസ്തികയിൽ കരാർ അടിസ്ഥാനത്തിൽ ഒഴിവ്. അപേക്ഷകർ യോഗ്യതയും വയസ്സും തെളിയിക്കുന്ന സർട്ടിഫിക്കറ്റുകളുടെ കോപ്പികൾ 12ന് 5ന് അകം നൽകണം. 0467–2209466. www.arogyakeralam.gov.in 

റേഷൻ നാളെ വരെ

കാസർകോട് ∙ നവംബറിലെ റേഷൻ നാളെ വരെ വിതരണം ചെയ്യുമെന്ന് ജില്ലാ സപ്ലൈ ഓഫിസർ അറിയിച്ചു.

ഓഫിസ് അസിസ്റ്റന്റ് നിയമനം

ബേക്കൽ ∙  തച്ചങ്ങാട് ഗവ. ഹൈസ്കൂളിൽ ദിവസവേതനാടിസ്ഥാനത്തിൽ ഓഫിസ് അസിസ്റ്റന്റിനെ  നിയമിക്കും. കൂടിക്കാഴ്ച 3 ന് 11ന് നടക്കും. ഫോൺ: 9947231980, 9847698604.