സ്കൂൾ കുട്ടികൾക്കുള്ള അരി സിപിഎം നേതാവ് മറിച്ചു വിറ്റതായി ആരോപണം

HIGHLIGHTS
  • ലോക്കൽ കമ്മിറ്റി ഇടപെട്ട് അരി തിരിക എത്തിച്ചു
rice
Representative Image. Photo Credit: enviromantic/ Istockphoto.com
SHARE

കാസർകോട് ∙ മടിക്കൈ പഞ്ചായത്തിലെ ഒരു ഗവ. സ്കൂളിലെ വിദ്യാർഥികൾക്ക് ഉച്ചക്കഞ്ഞിക്കുള്ള അരി സിപിഎം പ്രാദേശിക നേതാവ് കുടുംബശ്രീ വനിതോത്സവത്തിനായി മറിച്ചു വിൽക്കാൻ ്രശമിച്ചെന്ന് ആരോപണം. വിവാദമായതിനെ തുടർന്ന് ലോക്കൽ കമ്മിറ്റി ഇടപെട്ട് അരി സ്കൂളിൽ തിരികെ എത്തിച്ചു.പരീക്ഷാ കാലമായതിനാൽ സ്കൂളിൽ കുട്ടികൾക്ക് ഉച്ചക്കഞ്ഞി വിതരണം ചെയ്തിരുന്നില്ല. ഈ അരി കുട്ടികൾക്കു വീട്ടിലേക്കു പാക്ക് ചെയ്തു നൽകുകയാണു വേണ്ടത്. എന്നാൽ അതുണ്ടായില്ല. ഇതിനിടെ മടിക്കൈ പഞ്ചായത്ത് കുടുംബശ്രീ വനിതോത്സവം ആരംഭിച്ചു.

ഇവിടേക്കു പാചകം ചെയ്യുന്നതിനെന്നു പറഞ്ഞാണ് സിപിഎം നേതാവ് 5 ക്വിന്റൽ അരി കൊണ്ടുപോയതത്രെ. എന്നാൽ കുടുംബ്രശീ പ്രവർത്തകർ ഈ അരി ആവശ്യമില്ലെന്നും സ്വന്തമായി സംഘടിപ്പിച്ചതായും പറഞ്ഞതോടെ 20 രൂപ വില നിശ്ചയിച്ച് 5 പേർ ഈ അരി വീതം ചെയ്തെടുത്തുവെന്നാണ് പാർട്ടിയിലെ ആരോപണം. ഇതു വിവാദമായതോടെ ലോക്കൽ കമ്മിറ്റി നേതൃത്വം ഇടപെടുകയും അരി സ്കൂളിൽ തിരികെ എത്തിക്കുകയും ചെയ്തുവെന്നാണ് പാർട്ടിയിലെ സംസാരം. ലോക്കൽ കമ്മിറ്റിയിൽ വിഷയം ചർച്ചയായെങ്കിലും നേതാവ് ഏരിയാ കമ്മിറ്റി അംഗം കൂടിയായതിനാൽ ലോക്കൽ കമ്മിറ്റിയിൽ നടപടിയെടുത്തില്ല.

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.

Video

ജിപ്സിക്ക് പകരം ജിംനി, ഓഫ് റോഡ് കിങ്

MORE VIDEOS