പരപ്പ∙ കാടിറങ്ങി കോഴിയെ പിടിക്കാനെത്തിയ പെരുമ്പാമ്പിനെ പിടികൂടി വനംവകുപ്പ് അധികൃതർക്ക് കൈമാറി. പരപ്പ ബാനത്തെ സ്വകാര്യ വ്യക്തിയുടെ വീട്ടുമുറ്റത്താണ് ഇന്നലെ പെരുമ്പാമ്പ് എത്തിയത്. പെരുമ്പാമ്പ് കോഴിയെ വിഴുങ്ങാൻ എത്തുന്നത് ഇവിടെ പതിവാണ്. പിടികൂടുന്ന പാമ്പുകളെ ഉൾക്കാടുകളിൽ വിടാത്തതാണ് വീണ്ടും നാട്ടിലിറങ്ങാൻ കാരണമെന്ന് നാട്ടുകാർക്ക് പരാതിയുണ്ട്.