കാഞ്ഞങ്ങാട് ∙ ജില്ലാ സഹോദയ കലോത്സവത്തിൽ 561 പോയിന്റ് നേടി കാഞ്ഞങ്ങാട് ക്രൈസ്റ്റ് സിഎംഐ പബ്ലിക് സ്കൂൾ ഓവറോൾ ചാംപ്യന്മാരായി. 481 പോയിന്റ് നേടി പേരൂർ സദ്ഗുരു പബ്ലിക് സ്കൂൾ രണ്ടാം സ്ഥാനം നേടി. 397 പോയിന്റ് നേടി വെള്ളരിക്കുണ്ട് സെന്റ് എലിസബത്ത് കോൺവന്റ് സ്കൂൾ മൂന്നാം സ്ഥാനത്തെത്തി. ഹയർസെക്കൻഡറി വിഭാഗത്തിൽ  254 പോയിന്റ് നേടി വെള്ളരിക്കുണ്ട് സെന്റ് എലിസബത്ത് കോൺവന്റ് സ്കൂൾ ഒന്നാം സ്ഥാനവും 215 പോയിന്റ് നേടി കാഞ്ഞങ്ങാട് ക്രൈസ്റ്റ് സിഎംഐ പബ്ലിക് സ്കൂൾ രണ്ടാം സ്ഥാനവും നേടി. 184 പോയിന്റ് നേടി ജയ് മാതാ സീനിയർ സെക്കൻഡറി സ്കൂൾ മൂന്നാം സ്ഥാനം നേടി. വിജയികൾക്കുള്ള സമ്മാനദാനം സഹോദയ പ്രസിഡന്റ് ഫാ.ജോസ് ജോസഫ് നിർവഹിച്ചു. ക്രൈസ്റ്റ് സ്കൂൾ പ്രിൻസിപ്പൽ ഫാ.ജോർജ് പുഞ്ചയിൽ, സഹോദയ സെക്രട്ടറി സിസ്റ്റർ ജ്യോതി മലാപ്പറമ്പിൽ, സഹോദയ കൾചറൽ ഫോറം കൺവീനർ ഫാ.വി.ജെ.ടോമി, സിസ്റ്റർ ബ്രജിറ്റ് എന്നിവർ പ്രസംഗിച്ചു.