കാസർകോട് ജില്ലയിൽ ഇന്ന് (02-08-2024); അറിയാൻ, ഓർക്കാൻ

കലക്‌ഷൻ ചാർജ് ഒഴിവാക്കി
കാസർകോട് ∙ സൗത്ത് ഇന്ത്യൻ ബാങ്കിന്റെ ബ്രാഞ്ചുകൾ വഴിയുള്ള കേരള മോട്ടർ തൊഴിലാളി ക്ഷേമനിധി ബോർഡിലെ ഉടമ - തൊഴിലാളി ക്ഷേമനിധി സമാഹരണത്തിന് നിലവിൽ ബാങ്ക് ഈടാക്കിയിരുന്ന 15 രൂപ കലക്‌ഷൻ ചാർജ് ഒഴിവാക്കിയതായി ചീഫ് എക്‌സിക്യൂട്ടീവ് ഓഫിസർ അറിയിച്ചു. 0467–2205380.

സെപ്റ്റംബർ 7ന് പ്രാദേശിക അവധി
കാസർകോട്∙ ഗണേശ ചതുർഥി ഉത്സവത്തോടനുബന്ധിച്ച് ജില്ലയിൽ സെപ്റ്റംബർ 7ന് കലക്ടർ പ്രാദേശിക അവധി പ്രഖ്യാപിച്ചു. നേരത്തേ നിശ്ചയിച്ച പൊതുപരീക്ഷകൾക്ക് മാറ്റമില്ല.

അഭിമുഖം
കാസർകോട് ∙ ജില്ലയിൽ ആരോഗ്യ വകുപ്പിൽ സ്റ്റാഫ് നഴ്സ് ഗ്രേഡ് - 2 (കാറ്റഗറി നമ്പർ  066/2023) ചുരുക്കപ്പട്ടികയിലെ വെരിഫിക്കേഷൻ പൂർത്തീകരിച്ച 209 ഉദ്യോഗാർഥികൾക്ക് 7, 8, 9 തീയതികളിൽ പിഎസ്‌സി കാസർകോട്, കണ്ണൂർ ജില്ലാ ഓഫിസുകളിലും 21ന് പിഎസ്‌സി  കാസർകോട് ജില്ലാ ഓഫിസിലും അഭിമുഖം നടത്തുമെന്ന് പിഎസ്‌സി ജില്ലാ ഓഫിസർ അറിയിച്ചു.

അപേക്ഷ ക്ഷണിച്ചു
കാസർകോട്∙ സംസ്ഥാന പിന്നാക്ക വിഭാഗ വികസന കോർപറേഷൻ ഒബിസി വിഭാഗത്തിലെ പ്രഫഷനലുകൾക്ക് സ്റ്റാർട്ടപ് വായ്പ പദ്ധതിയിലേക്ക് അപേക്ഷ ക്ഷണിച്ചു. 3 ലക്ഷം രൂപ വരെ കുടുംബ വാർഷിക വരുമാനമുള്ളവർക്ക് അപേക്ഷിക്കാം. അപേക്ഷകർ പ്രഫഷനൽ കോഴ്സുകൾ പൂർത്തീകരിച്ച 40 വയസ്സ് കവിയാത്തവർ ആയിരിക്കണം. 0467–2920555.

സീറ്റ് ഒഴിവ്
ചെ‍ർക്കള ∙ സൈനബ് മെമ്മോറിയൽ ബിഎഡ് സെന്ററിൽ ബിഎഡ് കൊമേഴ്സ് വിഭാഗത്തിൽ പട്ടികജാതി സംവരണത്തിൽ ഒരു സീറ്റ് ഒഴിവുണ്ട്. താൽപര്യമുള്ള വിദ്യാർഥികൾ 5ന് 11.30ന് കോളജ് ഓഫിസിൽ ഹാജരാകണം. 9747137514

കുമ്പള ∙ മഞ്ചേശ്വരം അപ്ലൈഡ് സയൻസ് കോളജിൽ എംഎസ്‌സി. കംപ്യൂട്ടർ സയൻസ്, എം.കോം ബിരുദാനന്തര ബിരുദ കോഴ്സുകളിൽ ഏതാനും മെറിറ്റ് സീറ്റുകൾ ഒഴിവ്.  9495296779.