കൊല്ലം ∙ തഴുത്തല ഒ‍ാക്സ്ഫഡ് സ്കൂളിൽ മലയാള മനോരമ വായനക്കളരി പദ്ധതി ആരംഭിച്ചു. പദ്ധതിയുടെ ഉദ്ഘാടനം റിസോഴ്സിയോ കോ–ഫൗണ്ടർ ആൻഡ് ചീഫ് ഒ‍ാപറേഷൻസ് ഒ‍ാഫിസർ റോബിൻ ജെ.ആലപ്പാട്ട് നിർവഹിച്ചു. പ്രിൻസിപ്പൽ ടി.വി.മമ്മിക്കുട്ടി അധ്യക്ഷത വഹിച്ചു. കണ്ടന്റ് അഗ്രിഗേറ്റർ പ്ലാറ്റ്ഫോം റിസോഴ്സിയോ സീനിയർ ടീം ലീഡർമാരായ നീതു റാംകുമാർ, സുമന ആർ.നായർ എന്നിവർ ചേർന്ന് വിദ്യാർഥി പ്രതിനിധി ഇൻസാഫ് ഇബ്രാഹിമിനു മലയാള മനോരമ പത്രം കൈമാറി. മനോരമ സർക്കുലേഷൻ മാനേജർ അരവിന്ദ് കെ.ദേവസ്യ പദ്ധതി വിശദീകരണം നടത്തി. വൈസ് പ്രിൻസിപ്പൽ മിനി കെ.പിള്ള, മനോരമ സർക്കുലേഷൻ എക്സിക്യൂട്ടീവ് ബി.വിജയ്ശങ്കർ എന്നിവർ പ്രസംഗിച്ചു.