ഭാര്യയുമായുള്ള വഴക്കിനെത്തുടർന്നു വീടിന് തീ വച്ചു; ഗൃഹനാഥൻ അറസ്റ്റിൽ

പാരിപ്പള്ളി∙ ഭാര്യയുമായുള്ള വഴക്കിനെത്തുടർന്നു വീട് തീ വച്ചു നശിപ്പിക്കാൻ ശ്രമിച്ച എഴിപ്പുറം അഫ്സൽ മൻസിലിൽ അസിമിനെ (49) പാരിപ്പള്ളി പൊലീസ് അറസ്റ്റ് ചെയ്തു. 2001ൽ വിവാഹിതരായ ശേഷം ദമ്പതികൾ എഴിപ്പുറത്ത് താമസിക്കുകയാണ്. മദ്യപിച്ചു ഭാര്യയെയും മക്കളെയും ശാരീരികവും മാനസികവുമായി പീഡിപ്പിച്ചിരുന്നു.

കഴിഞ്ഞ ദിവസം മദ്യപിച്ച് എത്തിയ ശേഷം വഴക്ക് ഉണ്ടാക്കുകയും പുലർച്ചെ ഒന്നിന് വീടിനു തീ വയ്ക്കുകയും ചെയ്തു. ഭാര്യയുടെ പരാതിയിലാണ് അറസ്റ്റ്. പ്രതിയെ റിമാൻഡ് ചെയ്തു. ഇൻസ്പെക്ടർ എ.അൽ ജബ്ബാർ, എസ്ഐമാരായ സുരേഷ് കുമാർ, സാബു ലാൽ, എഎസ്ഐ ഷാജഹാൻ, എസ്‌സിപിഒ നൗഷാദ്, എന്നിവരടങ്ങിയ സംഘമാണ് പ്രതിയെ പിടികൂടിയത്.