കൊല്ലം ജില്ലയിൽ ഇന്ന് (27-09-2022); അറിയാൻ, ഓർക്കാൻ
Mail This Article
തൊഴിലധിഷ്ഠിത കോഴ്സുകൾ
കൊല്ലം ∙ എഴുകോൺ ഗവ. പോളിടെക്നിക് കോളജിന്റെ തുടർവിദ്യാഭ്യാസ കേന്ദ്രത്തിന്റെ ആഭിമുഖ്യത്തിൽ ആരംഭിക്കുന്ന ഹ്രസ്വകാല തൊഴിലധിഷ്ഠിത കോഴ്സുകളിലേക്ക് അപേക്ഷ ക്ഷണിച്ചു. തുടർവിദ്യാഭ്യാസ കേന്ദ്രത്തിന്റെ ഓഫിസിൽ നിന്നും ലഭിക്കുന്ന അപേക്ഷാഫോം പൂരിപ്പിച്ച് ഒക്ടോബർ 12 നകം ഓഫിസിൽ നൽകണം. ഫോൺ: 9496846522
പരിശീലനം
കൊല്ലം ∙ ഓച്ചിറ ക്ഷീരോൽപന്ന നിർമാണ പരിശീലന വികസന കേന്ദ്രത്തിന്റെ നേതൃത്വത്തിൽ 28, 29 തീയതികളിൽ ക്ഷീര സഹകരണ സംഘം ഭരണസമിതി അംഗങ്ങൾക്കായി പരിശീലനം നടത്തും. ഇന്നു വൈകിട്ട് അഞ്ചിനകം 0476 2698550 എന്ന നമ്പറിൽ റജിസ്റ്റർ ചെയ്യണം.
സാധ്യത പട്ടിക പ്രസിദ്ധീകരിച്ചു
കൊല്ലം ∙ സിവിൽ സപ്ലൈസ് കോർപറേഷൻ ലിമിറ്റഡിൽ അസിസ്റ്റന്റ് സെയിൽസ്മാൻ (കാറ്റഗറി നമ്പർ-105/2020) തസ്തികയിലേക്കുള്ള സാധ്യത പട്ടിക പ്രസിദ്ധീകരിച്ചു.
സ്പോട്ട് അഡ്മിഷൻ
കൊല്ലം ∙ കരുനാഗപ്പള്ളി മോഡൽ പോളിടെക്നിക് കോളജിൽ മൂന്ന് വർഷ ഡിപ്ലോമ കോഴ്സിൽ ഒഴിവുള്ള സീറ്റിലേക്ക് സ്പോട്ട് അഡ്മിഷൻ നടത്തും. 9447488348
ഐടിഐ
കൊല്ലം ∙ ചന്ദനത്തോപ്പ് ഗവ. ബേസിക് ട്രെയ്നിങ് സെന്ററിൽ ഇഡബ്ല്യുഎസ്, എസ്ടി വിഭാഗങ്ങളിൽ ഒഴിവുള്ള സീറ്റിലേക്ക് സ്പോട്ട് അഡ്മിഷൻ നടത്തുന്നു. ഫോൺ: 0474 2713099.
അപേക്ഷ ക്ഷണിച്ചു
കൊല്ലം ∙ അസംഘടിത തൊഴിലാളി സാമൂഹിക സുരക്ഷാ ബോർഡിൽ അംഗങ്ങളായ തൊഴിലാളികളുടെ മക്കൾക്ക് വിദ്യാഭ്യാസ ആനുകൂല്യത്തിന് അപേക്ഷ ക്ഷണിച്ചു. ഫോൺ: 0474 2749847
അധ്യാപക പരിശീലനം
കൊല്ലം ∙ ഹിന്ദി ഡിപ്ലോമ ഇൻ എലിമന്ററി എജ്യുക്കേഷൻ അടൂർ സെന്ററിൽ അധ്യാപക കോഴ്സിന്റെ ഒഴിവുള്ള സീറ്റിലേക്ക് സെപ്റ്റംബർ 30 വരെ അപേക്ഷിക്കാം. രണ്ടാം ഭാഷയായി ഹിന്ദി പഠിച്ച പ്ലസ് ടുവിന് 50 ശതമാനം മാർക്കുള്ളവർക്കാണ് അവസരം. ഫോൺ: 0473 4296496