മാതൃ,ശിശു സൗഹൃദ ഇനിഷ്യേറ്റീവ്: പുനലൂർ താലൂക്ക് ആശുപത്രി യോഗ്യത നേടി

പുനലൂർ ∙ സംസ്ഥാനത്തെ മാതൃ,ശിശു സൗഹൃദ ഇനിഷ്യേറ്റീവ്  അംഗീകാരത്തിനുള്ള യോഗ്യത പുനലൂർ താലൂക്ക് ഹെഡ്ക്വാർട്ടേഴ്സ് ആശുപത്രി നേടി.  ഗുണനിലവാര പരിശോധനയിൽ 97.96% മാർക്ക് നേടിയാണ് യോഗ്യത നേടിയത്. 130 ഘടകങ്ങൾ അടിസ്ഥാനമാക്കിയാണു വിലയിരുത്തൽ നടത്തിയത്. ഇതോടെ  കേന്ദ്ര സർക്കാരിന്റെ എല്ലാ ക്വാളിറ്റി മാനദണ്ഡങ്ങളും ഉയർന്ന റാങ്കോടു കൂടി നേടിയ ആശുപത്രിയായി പുനലൂർ താലൂക്ക് ആശുപത്രി മാറിയെന്നു താലൂക്ക് ആശുപത്രി സൂപ്രണ്ട് ഡോ. ആർ. ഷാഹിർഷ പറഞ്ഞു.