ഓട്ടോയും ലോറിയും കൂട്ടിയിടിച്ച് 5 പേർക്ക് പരുക്ക്

പുനലൂർ ∙ കൊല്ലം -തിരുമംഗലം ദേശീയപാതയിൽ പുനലൂർ പ്ലാച്ചേരി വലിയ വളവിൽ തമിഴ്നാട്ടിൽ നിന്ന് യാത്രക്കാരുമായി എത്തിയ ഗുഡ്സ് ഓട്ടോ പുനലൂരിൽ നിന്നു തെന്മല ഭാഗത്തേക്ക് പോയ ലോറിയുമായി കൂട്ടിയിടിച്ച് 5 പേർക്ക് പരുക്ക്. മൂന്നുപേരുടെ നില അതീവ ഗുരുതരമാണ്. സ്ത്രീകൾ അടക്കമുള്ളവർ  ഓട്ടോയിൽ ഉണ്ടായിരുന്നു.ഗുരുതരമായി പരുക്കേറ്റ ഇവരെ പുനലൂർ താലൂക്ക് ആശുപത്രിയിലും തുടർന്ന് തിരുവനന്തപുരം മെഡിക്കൽ കോളജ് ആശുപത്രിയിലേക്കും മാറ്റി. ഗുഡ്സ് ഓട്ടോ പൂർണമായി തകർന്നു . ഗുരുതരമായി പരുക്കുപറ്റിയ ശാന്തി, ഉമ, മണിഎന്നിവരെയാണ് തിരുവനന്തപുരം മെഡിക്കൽ കോളജിലേക്ക് കൊണ്ടുപോയത്.