കാത്തിരിപ്പുകേന്ദ്രം തകർത്ത് ടിപ്പർ ലോറി ആറ്റിൽ വീണു

തെന്മല ∙ ടിപ്പർ ലോറി കാത്തിരിപ്പുകേന്ദ്രം തകർത്ത് കഴുതുരുട്ടി ആറ്റിലേക്ക് പതിച്ചു. ആർക്കും പരുക്കില്ല. തിങ്കൾ രാത്രി 11.30ന് കൊല്ലം - തിരുമംഗലം ദേശീയപാതയിൽ മരുകൻപാഞ്ചാലിൽ ആണ് അപകടമുണ്ടായത്. കൊല്ലത്തു നിന്നു തമിഴ്നാട്ടിലെ ക്വാറിയിലേക്കു പോയ ടിപ്പറാണ് അപകടത്തിൽപെട്ടത്.

ദേശീയപാതയോരത്തെ കാത്തിരിപ്പു കേന്ദ്രത്തിൽ ഇടിച്ച ശേഷം റോ‍ഡിന്റൈ സംരക്ഷണ ഭിത്തി തകർത്ത് 20 അടിയോളം താഴ്ച‍യിലുള്ള ആറ്റിലേക്ക് പതിക്കുകയായിരുന്നു. അപകടത്തിൽപെട്ട ടിപ്പർ ആറ്റിൽ നിന്നു കയറ്റാൻ എത്തിയ ക്രെയിൻ, തകർന്ന കാത്തിരിപ്പുകേന്ദ്രം പണിത് നൽ‌കണം എന്നാവശ്യപ്പെട്ട് പഞ്ചായത്തംഗത്തിന്റെ നേതൃത്വത്തിൽ തടഞ്ഞു. ഉടൻ പുനർനിർമിക്കാമെന്ന ഉടമയുടെ ഉറപ്പിനെ തുടർന്ന് ടിപ്പർ കരയ്ക്കെടുത്തു.