രൂപമാറ്റം വരുത്തിയ ബോട്ടിനു സർവീസ് നിർത്താൻ നോട്ടിസ്

മൺറോതുരുത്ത് ∙ വിനോദസഞ്ചാരത്തിനായി രൂപമാറ്റം വരുത്തി ഉപയോഗിച്ചിരുന്ന ശിക്കാര ബോട്ടിന്റെ പ്രവർത്തനം നിർത്തിവയ്ക്കാൻ കേരള മാരിടൈം ബോർഡിന്റെ നോട്ടിസ്. അഷ്ടമുടിക്കായലിൽ സർവീസ് നടത്തി വന്ന ബോട്ടിനാണ് നോട്ടിസ് ലഭിച്ചത്. രൂപമാറ്റം വരുത്തിയതോടെ ബോട്ടിന്റെ സന്തുലിതാവസ്ഥ നഷ്ടപ്പെട്ടതായി കഴിഞ്ഞ മാസം ബോർഡ് നടത്തിയ പരിശോധനയിൽ കണ്ടെത്തിയിരുന്നു. ബോട്ട് രൂപമാറ്റം വരുത്തുന്നതിന് അപേക്ഷ സമർപ്പിക്കുകയോ അംഗീകാരം നേടുകയോ ചെയ്തിരുന്നില്ലെന്നും കണ്ടെത്തി. ഇതോടെ കൊല്ലം തുറമുഖ വകുപ്പ്‍ ബോട്ടിന്റെ സർവീസ് നിർത്തിവയ്ക്കാനായി ഉത്തരവിടുകയായിരുന്നു.