പുനലൂർ ∙ കേരള മുസ്‌ലിം ജമാഅത്ത് ഫെഡറേഷൻ പുനലൂർ താലൂക്ക് കമ്മിറ്റി, ദക്ഷിണ കേരള ജംഇയ്യത്തുൽ ഉലമ, ലജ്നത്തൂൽ മുഅല്ലിമീൻ തുടങ്ങിയ സംഘടനകളുടെ നേതൃത്വത്തിൽ താലൂക്ക് തല നബിദിന റാലിയും പൊതുസമ്മേളനവും ആദരിക്കലും ഇന്ന് പുനലൂരിൽ നടക്കും. വൈകിട്ട്  4.30ന് എൻഎംഎഎച്ച് ജമാഅത്ത് അങ്കണത്തിൽ  റാലി ആരംഭിക്കും. പട്ടണം ചുറ്റി മാർക്കറ്റ് ജംക്‌ഷനിലെ മർഹും എ.എ.ബഷീർ നഗറിൽ സമാപിക്കും. 

തുടർന്ന് പൊതുസമ്മേളനം ഏരൂർ ശംസുദീൻ മദനി ഉദ്ഘാടനം ചെയ്യും. ജമാഅത്ത് ഫെഡറേഷൻ സംസ്ഥാന പ്രസിഡന്റ് കടയ്ക്കൽ അബ്ദുൽ അസീസ് മൗലവി അനുഗ്രഹ പ്രഭാഷണം നടത്തും. എൻ.കെ.പ്രേമചന്ദ്രൻ എംപി, പി.എസ്.സുപാൽ എംഎൽഎ, കുളത്തുപ്പഴ സലീം എന്നിവർ അതിഥികളായി പങ്കെടുക്കും. ആലഞ്ചേരി മുസ്‌ലിം ജമാഅത്ത് ചീഫ് ഇമാം സക്കീർ ഹുസൈൻ മൗലവി നബിദിന സന്ദേശം നൽകും. ഫെഡറേഷൻ താലൂക്ക് പ്രസിഡന്റ് ഐ. അബ്ദുൽ ഹക്കീം അധ്യക്ഷത വഹിക്കും.

ഏരൂർ ശംസുദീൻ മദനി, ജമാഅത്ത് ഫെഡറേഷൻ താലൂക്ക് ജനറൽ സെക്രട്ടറി  ഇടമൺ ടി.ജെ.സലീം, എം.ഇ.എസ് താലൂക്ക് പ്രസിഡന്റ് സി.എസ്. ബഷീർ, ആലഞ്ചേരി ജമാഅത്ത് ട്രഷറർ എം.ഖുറൈഷി എന്നിവരെ ചടങ്ങിൽ ആദരിക്കും. ജമാഅത്ത് ഫെഡറേഷൻ ജില്ലാ സെക്രട്ടറി കെ.എ.റഷീദ്, താലൂക്ക് വൈസ് പ്രസിഡന്റ് മഹബൂബ് ജാൻ, തടിക്കാട് ജമാഅത്ത് ജനറൽ സെക്രട്ടറി എ. ജലാലുദീൻ എന്നിവർ ചികിത്സാ സഹായം വിതരണം ചെയ്യും. വിവിധ സംഘടന പ്രതിനിധികൾ, ഇമാമുമാർ തുടങ്ങിയവർ പ്രസംഗിക്കും. താലൂക്കിലെ വിവിധ ജമാഅത്തുകളിൽ നിന്നുള്ള വിശ്വാസികൾ റാലിയിലും സമ്മേളനത്തിലും പങ്കെടുക്കും. സമ്മേളനത്തിന്റെ ഒരുക്കങ്ങൾ പൂർത്തിയായതായി സംഘാടക സമിതി ചെയർമാൻ തടിക്കാട് ശിഹാബുദീൻ മഅ്ദനി, ജനറൽ കൺവീനർ എച്ച്. സലീംരാജ് മറ്റു ഭാരവാഹികളായ നെടുങ്കയം നാസർ, കെ.എ. റഷീദ്, ഐ.അബ്ദുൽഹക്കീം, ഇടമൺ ടി.ജെ.സലീം, എസ്.സമദ് എന്നിവർ അറിയിച്ചു.

മിലാദ് 2023 

എൻഎംഎഎച്ച് ജമാഅത്തിന്റെ നേതൃത്വത്തിൽ നബിദിന പരിപാടികൾ ഇന്ന് നടക്കും. രാവിലെ 8ന് ഘോഷയാത്രയും  തുടർന്ന് സമ്മാനദാനവും സർട്ടിഫിക്കറ്റ് വിതരണവും ചീഫ് ഇമാം നസീർ ഉലൂമി റഷാദി ഉദ്ഘാടനം ചെയ്യും. ജമാഅത്ത് പ്രസിഡന്റ് എച്ച്. സലീംരാജ് അധ്യക്ഷത വഹിക്കും. ഹാഫിസ് മൂസ നജ്മി ക്ലാസ് നയിക്കും.