മരം വീണ് ഗതാഗതം തടസ്സപ്പെട്ടു

കിഴക്കേ കല്ലട∙ കുണ്ടറ പള്ളിമുക്ക് - ചിറ്റുമല റോഡിൽ ഓണമ്പലത്ത് മരം കടപുഴകി വീണ് ഗതാഗതം തടസ്സപ്പെട്ടു. മരം വീണ് സമീപത്തെ കടയും ഇരുചക്ര വാഹനവും തകർന്നു. ഇന്നലെ പുലർച്ചെ 5.30 ന് ആയിരുന്നു അപകടം. കുണ്ടറ അഗ്നി രക്ഷാ സേനയും പൊലീസും എത്തി മരം മുറിച്ചു മാറ്റി ഗതാഗതം പുനഃസ്ഥാപിച്ചു. കഴിഞ്ഞ ഫെബ്രുവരിയിൽ ജില്ലാ ദുരിത നിവാരണ സമിതി മുറിച്ച് മാറ്റാൻ നിർദേശിച്ച മരമാണ് കടപുഴകിയത്.