ആറുമുറിക്കട കടക്കാൻ റോഡ് നീന്തണം

പന്മന∙ ആറുമുറിക്കട – വലിയത്ത് ജംക്‌ഷൻ റോഡിൽ കോട്ടപ്പുറത്ത് ജംക്‌ഷനു വടക്കുഭാഗം പൂർണമായും തകർന്ന് കുഴികളും വെള്ളക്കെട്ടും രൂപപ്പെട്ടത് യാത്രക്കാരെ ബുദ്ധിമുട്ടിലാക്കുന്നു. മഴയെ തുടർന്ന് 50 മീറ്ററോളം ഭാഗം റോഡ് വെള്ളത്തിനടിയിലാണ്. കുഴികളറിയാതെ ഇരുചക്രവാഹനങ്ങൾ ഉൾപ്പെടെ അപകടത്തിൽപെടുന്നു.  മഴ പെയ്താൽ വെള്ളം ഒഴുകി പോകാൻ നിലവിൽ സംവിധാനമില്ലാത്തതാണ് പ്രധാന പ്രശ്നം. സ്കൂൾ, കോളജ് കുട്ടികൾ ഉൾപ്പെടെ നടന്നുപോകുന്ന വഴി കൂടിയാണ്. ഓട നിർമിച്ച് റോഡ് ഉയർത്തി ടാറിങ് നടത്തണമെന്നാണ് നാട്ടുകാരുടെ ആവശ്യം