പാഴായത് നാലര ലക്ഷം രൂപ: ഇല്ലാത്ത ബയോഗ്യാസ് പ്ലാന്റിലേക്ക് നിർമിച്ച റോഡ് ‘ഇപ്പോഴില്ല’!

കടയ്ക്കൽ ∙ ഇല്ലാത്ത ബയോഗ്യാസ് പ്ലാന്റിലേക്കു റോഡ് നിർമിച്ച് കടയ്ക്കൽ പഞ്ചായത്ത് പാഴാക്കിയതു ലക്ഷക്കണക്കിനു രൂപ. കടയ്ക്കൽ ടൗൺ ഹാളിനോടു ചേർന്ന് ആണ് 2016 – 17 വർഷം തദ്ദേശ മിത്രം പദ്ധതിയിൽ ഉൾപ്പെടുത്തി ബയോഗ്യാസ് പ്ലാന്റിലേക്ക് എന്നു പറഞ്ഞു പഞ്ചായത്ത് റോഡ് നിർമിച്ചത്. പക്ഷേ, ബയോഗ്യാസ് പ്ലാന്റ് സ്ഥാപിക്കാത്തതിനാൽ റോഡ് അത്ര ഉപയോഗപ്രദമായില്ല. ഇപ്പോൾ റോഡിന് മുകളിൽ കാടു മൂടി. ഈ ഭാഗത്തെ തോടും കാടു മൂടി. 4.5 ലക്ഷം രൂപയാണു പദ്ധതിക്കായി ചെലവഴിച്ചത്. റോഡും സമീപത്തുള്ള സ്ഥലവും കാടു കയറി ഇഴജന്തുക്കൾ താവളം ആക്കിയിട്ടും പഞ്ചായത്ത് ഇതൊന്നും അറിഞ്ഞ മട്ടില്ല. തദ്ദേശ സ്ഥാപനം സമ്പൂർണ ശുചിത്വ പഞ്ചായത്തായി പ്രഖ്യാപിക്കപ്പെട്ടിരുന്നു.