ലഹരിമരുന്നുമായി 2 പേർ പിടിയിൽ
Mail This Article
കടുത്തുരുത്തി ∙ലഹരിമരുന്നായ എൽഎസ്ഡി സ്റ്റാപുമായി നഴ്സിങ് വിദ്യാർഥി അടക്കം 2 പേർ കടുത്തുരുത്തി എക്സൈസ് സംഘത്തിന്റെ പിടിയിലായി.മാഞ്ഞൂർ ഇരവിമംഗലം പാലച്ചുവട്ടിൽ അലൻ ഫിലിപ്പ് (19), മേമ്മുറി മുകളേപ്പറമ്പിൽ നിതിൻ തോമസ് (19) എന്നിവരെയാണ് കടുത്തുരുത്തി എക്സൈസ് ഇൻസ്പെക്ടർ പി.വൈ. ചെറിയാന്റെ നേതൃത്വത്തിലുള്ള എക്സൈസ് സംഘം തലയോലപ്പറമ്പ് തലപ്പാറ ഭാഗത്തുനിന്ന് അറസ്റ്റ് ചെയ്ത്. ഇവർ ലഹരിമരുന്ന് കടത്താൻ ഉപയോഗിച്ച ബൈക്കും പിടിച്ചെടുത്തു.
231 മില്ലിഗ്രാം വരുന്ന 14 സ്റ്റാംപുകളാണ് പിടിച്ചെടുത്തത്. ഇവർക്ക് ഉപയോഗിക്കുന്നതിനും സുഹൃത്തുക്കൾക്ക് വിൽക്കുന്നതിനുമായി കരുതിയിരുന്ന ലഹരിമരുന്നാണ് പിടിച്ചെടുത്തതെന്ന് എക്സൈസ് ഇൻസ്പെക്ടർ പി.വൈ. ചെറിയാൻ പറഞ്ഞു. എക്സൈസ് ഉദ്യോഗസ്ഥരായ അനീഷ്, ഹരീഷ് ചന്ദ്രൻ ,മേഘനാഥൻ, സിഇഒമാരായ ആനന്ദ രാജ്, തൻസീർ, തോമസ് ചെറിയാൻ, സുനിൽകുമാർ, സുമേഷ്, പ്രജീഷ്, മഹേഷ്, സുമിതാ മോൾ എന്നിവർ സംഘത്തിൽ ഉണ്ടായിരുന്നു.