മൂന്നര പതിറ്റാണ്ട് സ്ഥാനാർഥികളുടെ ശബ്ദം; ഇത്തവണ സ്ഥാനാർഥി
Mail This Article
ദാ കടന്നുവരുന്നു, 35 വർഷം വാക്കുകൾ കൊണ്ടും ശബ്ദ ഗാംഭീര്യം കൊണ്ടും അണികളിൽ തിരയിളക്കിയ എം.എസ്. താഹ, ഇത്തവണ സ്ഥാനാർഥിയായാണു തിരഞ്ഞെടുപ്പു രംഗത്ത്. മൂന്നര പതിറ്റാണ്ട് സ്ഥാനാർഥികളുടെ ശബ്ദമായിരുന്ന താഹ കാഞ്ഞിരപ്പള്ളി 10-ാം വാർഡിലെ സിപിഎം സ്ഥാനാർഥിയുടെ റോളിലാണ്.1985ൽ 17-ാമത്തെ വയസ്സിൽ അനൗൺസ്മെന്റ് രംഗത്തിറങ്ങി. സ്ഥാനാർഥിയാകുന്നത് 52–ാം വയസ്സിലും. 1990 ൽ കാഞ്ഞിരപ്പള്ളി ഫയർ സ്റ്റേഷൻ അന്നത്തെ മുഖ്യമന്ത്രി ഇ.കെ.നായനാർ ഉദ്ഘാടനം ചെയ്യാനെത്തിയപ്പോൾ, അവതാരകന്റെ റോളിൽ തിളങ്ങിയ താഹയെ അഭിനന്ദിച്ച ശേഷമാണ് അദ്ദേഹം വേദി വിട്ടത്. മഹാരാജ സർക്കസിനു വേണ്ടി 3 മാസം തുടർച്ചയായി അനൗൺസ്മെന്റ് ചെയ്തു. ഹോട്ടലും പലചരക്കുകടയും നടത്തുന്ന താഹ തിരഞ്ഞെടുപ്പ് കഴിയും വരെ ഇവ നടത്താൻ ബന്ധുവിനെ ചുമതലപ്പെടുത്തി. ഭാര്യ: സൈനബ. മക്കൾ: ആഷിക് , ആഷ്ന,