നാഗമ്പടം സ്റ്റാൻഡിനുള്ളിൽ പരസ്യ മദ്യപാനം, കഞ്ചാവ് ഇടപാടുകാരുടെ താവളം

കോട്ടയം ∙ നാഗമ്പടം ബസ് സ്റ്റാൻഡിനുള്ളിലും ഇടവഴികളിലും സാമൂഹിക വിരുദ്ധരും മദ്യപരും തമ്പടിക്കുന്നതായി പരാതി. പകൽ സമയങ്ങളിൽ പോലും ഇവിടെ പരസ്യമായി മദ്യപാനം നടക്കുന്നു. ഭിക്ഷാടകരും സാമൂഹിക വിരുദ്ധരും  സ്റ്റാൻഡിലെ ഇരിപ്പിടങ്ങൾ കൈയടക്കുന്നത് പതിവാണ്.

യാത്രക്കാർ ബസ് സ്റ്റാൻഡിലേക്ക് എത്തുന്ന വഴികൾ  കഞ്ചാവ് ഇടപാടുകാരുടെ താവളമാണ്. പൊലീസിന്റെ ശ്രദ്ധ ഈ പ്രദേശങ്ങളിൽ എത്തുന്നില്ലെന്നു പരാതിയുണ്ട്. യാത്രക്കാരായ സ്ത്രീകളെ ശല്യപ്പെടുത്തുകയും അസഭ്യം പറയുന്നതും മദ്യപർ  ഏറ്റുമുട്ടുന്നതും  പതിവാണെന്ന് പരാതിയുണ്ട്.