കുട്ടികളെ സിനിമയ്ക്ക് കൊണ്ടുപോയ ബസ് അപകടത്തിൽപെട്ടു; ഇപ്പോഴല്ല, 50 വർഷം മുൻപ്

കോട്ടയം ∙ ശാസ്ത്രി റോഡിൽ ഒരു ബസ് അപകടം. പരുക്കേറ്റത് 36 സ്കൂൾ വിദ്യാർഥിനികൾക്കും, ഒരു അധ്യാപികയ്ക്കും. ഇപ്പോഴത്തെ സംഭവമല്ല. 50 വർഷം മുൻപാണ്. 1971 സെപ്റ്റംബർ 21നായിരുന്നു അപകടം. കഞ്ഞിക്കുഴി മൗണ്ട് കാർമൽ സ്കൂളിലെ വിദ്യാർഥികളുമായി വന്ന ബസായിരുന്നു അപകടത്തിൽപെട്ടത്. സ്കൂളിൽ നിന്ന് കുട്ടികളുമായി സിനിമ കാണാൻ പോയി മടങ്ങുകയായിരുന്നു. ശാസ്ത്രി റോഡ് കയറ്റം കയറുമ്പോൾ മുൻപിൽ സഞ്ചരിച്ചിരുന്ന പൊലീസ് വാനിന്റെ പിറകിൽ ബസ് ഇടിച്ചു. റോഡിന്റെ വശത്ത് 25 അടി താഴ്ചയിലേക്കാണ് ബസ് മറിഞ്ഞത്.