12–14 വയസ്സുകാർക്ക് ഇന്നും 12 നും കോവിഡ് വാക്സീൻ
Mail This Article
കോട്ടയം ∙ 12 മുതൽ 14 വരെ പ്രായമുള്ള കുട്ടികൾക്കായി ഇന്നും 12 നും പ്രത്യേക കോവിഡ് വാക്സിനേഷൻ ക്യാംപുകൾ നടത്തുമെന്ന് കലക്ടർ ഡോ.പി.കെ.ജയശ്രീ അറിയിച്ചു. 2008 മേയ് 9 മുതൽ 2010 മേയ് 9 വരെ ജനിച്ച കുട്ടികൾക്ക് ക്യാംപുകളിൽ വാക്സീൻ ഇന്ന് സ്വീകരിക്കാം.സർക്കാർ ആശുപത്രികളിലും ആരോഗ്യ കേന്ദ്രങ്ങളിലും ഈ ദിവസങ്ങളിൽ കുട്ടികൾക്ക് മാത്രമായി വാക്സിനേഷൻ നൽകും. മുൻകൂട്ടി ബുക്ക് ചെയ്യുകയോ റജിസ്റ്റർ ചെയ്യുകയോ വേണ്ട. ആധാർകാർഡ് കൊണ്ടുവരണം.
വാക്സീൻ ഇതുവരെ സ്വീകരിക്കാത്തവരും ആദ്യ ഡോസ് സ്വീകരിച്ച് 28 ദിവസം പൂർത്തിയായവരുമായ 12 മുതൽ 14 വയസ്സുള്ള എല്ലാ കുട്ടികളെയും കേന്ദ്രങ്ങളിലെത്തിച്ച് വാക്സീൻ നൽകാൻ രക്ഷിതാക്കൾ മുൻകൈ എടുക്കണമെന്ന് കലക്ടർ അറിയിച്ചു. 28 ദിവസത്തിനകം രണ്ടാം ഡോസ് കൂടി സ്വീകരിക്കേണ്ടതിനാൽ, മധ്യവേനൽ അവധിക്ക് ശേഷം സ്കൂൾ തുറക്കുന്നതോടെ മുഴുവൻ കുട്ടികളുടെയും രണ്ടാം ഡോസ് വാക്സിനേഷൻ പൂർത്തിയാക്കാനും ഇത് സഹായിക്കും.