അനധികൃതമായി വാരിയ 275 കിലോ മല്ലിക്കക്കാ പിടികൂടി
Mail This Article
×
വൈക്കം∙ നിയമങ്ങളും നിയന്ത്രണങ്ങളും കാറ്റിൽ പറത്തി വേമ്പനാട്ടു കായലിൽനിന്ന് അനധികൃതമായി വാരിയ 275 കിലോ മല്ലിക്കക്കാ (കക്കാ കുഞ്ഞ്) ഫിഷറീസ് വകുപ്പ് അധികൃതർ പിടികൂടി. ഇന്നലെ രാവിലെ നടത്തിയ പരിശോധനയിൽ ചെമ്പ് മേക്കര മുട്ടുങ്കൽ പാലത്തിനു സമീപത്തെ കക്കാ സംഭരണ കേന്ദ്രത്തിൽനിന്നാണ് പിടികൂടിയത്.
സംഭവവുമായി ബന്ധപ്പെട്ട് കക്കാ സംഭരണ കേന്ദ്രത്തിന്റെ ഉടമ ജെൻസിന്റെ പേരിൽ നിയമ നടപടി സ്വീകരിച്ചതായി ഫിഷറീസ് വൈക്കം ഓഫിസർ വി.എസ്.പ്രിയ മോൾ പറഞ്ഞു. ഓഫിസർമാരായ ജെ.ഗിരീഷ്, സ്വാതിഷ് രാജേന്ദ്രൻ എന്നിവർ അടങ്ങുന്ന സംഘമാണ് കക്കാ പിടികൂടിയത്. പിടിച്ചെടുത്ത കക്കാ വേമ്പനാട്ടുകായലിൽ നിക്ഷേപിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
