ഇരിക്കൂ, പക്ഷേ... കോട്ടയം മെഡിക്കൽ കോളജിൽ ഡോക്ടർ അകത്തില്ല!

കോട്ടയം ∙ മെഡിക്കൽ കോളജ് ആശുപത്രിയിലെ വിവിധ ചികിത്സാ വിഭാഗങ്ങളിൽ ഡോക്ടർമാരുടെ കുറവ് രൂക്ഷം. വിവിധ വിഭാഗങ്ങളിലായി നിലവിൽ 52 മുതിർന്ന ഡോക്ടർമാരുടെ കുറവ്. 3 മാസത്തിനുള്ളിൽ 9 ഡോക്ടർമാർ വിരമിച്ചതിനു പകരമായി ഡോക്ടർമാരെ നിയമിച്ചില്ല. ഡോക്ടർമാരുടെ കുറവിനെത്തുടർന്നു രോഗികൾ ദുരിതത്തിലാണ്. അസോഷ്യേറ്റ് തസ്തികയിലാണു ഡോക്ടർമാരുടെ കുറവ് രൂക്ഷം. ഇവിടെ 33 ഡോക്ടർമാരുടെ കുറവാണുള്ളത്. പ്രഫസർ, അസോഷ്യേറ്റ് പ്രഫസർ തസ്തികകളിൽ 8 വീതം ഡോക്ടർമാരുടെ കുറവുണ്ട്. സീനിയർ റസിഡന്റ് തസ്തികയിൽ 13 ഡോക്ടർമാരുടെ കുറവും നേരിടുന്നു.

ഡോക്ടർമാരുടെ കുറവ് ഇങ്ങനെ:

∙ ശിശുരോഗ ചികിത്സാ വിഭാഗം (അസോഷ്യേറ്റ് പ്രഫസർ– 2 ).
∙ മാനസികാരോഗ്യ വിഭാഗം (അസിസ്റ്റന്റ് പ്രഫസർ– 1).
∙ അസ്ഥിരോഗ ചികിത്സാ വിഭാഗം (അസോഷ്യേറ്റ് പ്രഫസർ– 2, അസിസ്റ്റന്റ് പ്രഫസർ– 1).
∙ വൃക്കരോഗ വിഭാഗം (പ്രഫസർ– 1. അസിസ്റ്റന്റ് പ്രഫസർ– 1)
∙ ഹൃദ്രോഗ വിഭാഗം (പ്രഫസർ– 1).

∙ യൂറോളജി (അസിസ്റ്റന്റ് പ്രഫസർ– 3),
∙ ഫിസിക്കൽ മെഡിസിൻ (അസിസ്റ്റന്റ് പ്രഫസർ–3).
∙ ജനറൽ സർജറി (അസിസ്റ്റന്റ് പ്രഫസർ– 3, സീനിയർ റസിഡന്റ്– 8).
∙ പൾമനറി മെഡിസിൻ (പ്രഫസർ– 1)
∙ പതോളജി (അസോഷ്യേറ്റ് പ്രഫസർ– 2)
∙ ഡെർമറ്റോളജി (അസിസ്റ്റന്റ് പ്രഫസർ– 4)
∙ മെഡിക്കൽ ഗ്യാസ്ട്രോ (അസോഷ്യേറ്റ് പ്രഫസർ– 1)
∙ സർജിക്കൽ ഗ്യാസ്ട്രോ (പ്രഫസർ– 1).

∙ സാംക്രമികരോഗ ചികിത്സാ വിഭാഗം (പ്രഫസർ– 1, അസിസ്റ്റന്റ് പ്രഫസർ– 1)
∙ അനസ്തീസിയ (അസിസ്റ്റന്റ് പ്രഫസർ– 1)
∙ ഗൈനക്കോളജി (പ്രഫസർ– 1, അസിസ്റ്റന്റ് പ്രഫസർ– 4),
∙ ന്യൂറോ മെഡിസിൻ (അസിസ്റ്റന്റ് പ്രഫസർ– 1)
∙ പീഡിയാട്രിക് സർജറി (അസിസ്റ്റന്റ് പ്രഫസർ– 1)
∙ റേഡിയോ ഡയഗ്‌നോസിസ് (അസിസ്റ്റന്റ് പ്രഫസർ– 3, സീനിയർ റസിഡന്റ്– 1)
∙ ജനറൽ മെഡിസിൻ (പ്രഫസർ– 2, അസിസ്റ്റന്റ് പ്രഫസർ– 4, സീനിയർ റസിഡന്റ്– 4).