യുഡിഎഫിൽനിന്ന് എൽഡിഎഫിലെത്തി പഞ്ചായത്ത് പ്രസിഡന്റായ ഷൈനി സന്തോഷിന്റെ വീടിനുനേരെ കല്ലേറ്

രാമപുരം ∙ യുഡിഎഫിൽ നിന്ന് എൽഡിഎഫിലെത്തി പഞ്ചായത്ത് പ്രസിഡന്റായ ഷൈനി സന്തോഷിന്റെ വീടിനു നേരെ കല്ലേറ്. കഴിഞ്ഞ ദിവസം രാത്രി 12 നു ഷൈനി സന്തോഷിന്റെ വെള്ളിലാപ്പിള്ളിയിലുള്ള വീടിന് നേരെ യാണ് അക്രമണം. ജനൽച്ചില്ലുകൾ തകർന്നു. ശബ്ദം കേട്ട് വീട്ടുകാർ ഉണർന്ന് ലൈറ്റിട്ടപ്പോൾ അക്രമികൾ കടന്നു. പഞ്ചായത്ത് പ്രസിഡന്റ് തിരഞ്ഞെടുപ്പിൽ കോൺഗ്രസിൽ നിന്ന് കൂറുമാറി എൽഡിഎഫ് സ്ഥാനാർഥിയായി ഷൈനി ജയിച്ചതിന്റെ പിറ്റേ ദിവസമാണ്  ആക്രമണം. പൊലീസിൽ പരാതി നൽകി. അന്വേഷണം ആരംഭിച്ചെന്ന് പൊലീസ് പറഞ്ഞു.