കോട്ടയം ജില്ലയിൽ ഇന്ന് (28-09-2022); അറിയാൻ, ഓർക്കാൻ
Mail This Article
കങ്ങഴ ജിഐടി പോളിയിൽസീറ്റ് ഒഴിവ്
കോട്ടയം ∙ പോളിടെക്നിക് പ്രവേശനത്തിനുള്ള മൂന്നാം ഘട്ട അലോട്മെന്റ് പ്രകാരം പ്രവേശനത്തിനുള്ള അവസാന തീയതി ഇന്ന്. കങ്ങഴ ജിഐടി പോളിടെക്നിക്കിൽ ഒഴിവുള്ള ഏതാനും സീറ്റുകളിലേക്കും ഇപ്പോൾ അപേക്ഷിക്കാം. ബ്രാഞ്ചുകൾ: സിവിൽ, മെക്കാനിക്കൽ, ഇലക്ട്രിക്കൽ, ഓട്ടമൊബീൽ, ടൂൾ ആൻഡ് ഡൈ. ഫോൺ: 9645580005.
ടാലി കോഴ്സ്
കോട്ടയം ∙ കഞ്ഞിക്കുഴി ടാലി ഇൻസ്റ്റിറ്റ്യൂട്ടിൽ പുതിയ ബാച്ച് ആരംഭിക്കുന്നു. ഫോൺ: 8129050264.
അധ്യാപക ഒഴിവ്
ഏറ്റുമാനൂർ ∙ കാലടി സംസ്കൃത സർവകലാശാല ഏറ്റുമാനൂർ കേന്ദ്രത്തിൽ ഇംഗ്ലിഷ് താൽക്കാലിക അധ്യാപക ഒഴിവിലേക്ക് 29 നു 11ന് അഭിമുഖം നടത്തും. പൂർണ യോഗ്യതയില്ലാത്തവരുടെ അഭാവത്തിൽ യുജിസി യോഗ്യതയില്ലാത്തവരെയും പരിഗണിക്കും. ഫോൺ: 94471 12663.
കാലിത്തീറ്റ വിതരണം
ചങ്ങനാശേരി ∙ വാഴപ്പള്ളി പഞ്ചായത്തിൽ കന്നുകുട്ടി പദ്ധതി പ്രകാരമുള്ള കാലിത്തീറ്റ വിതരണം ഇന്നു 10 മുതൽ 11.30 വരെ വടക്കേക്കര ക്ഷീരസഹകരണ സംഘം ഹാളിൽ നടത്തും.
കറുകച്ചാൽ ∙ പഞ്ചായത്തിലെ കന്നുകുട്ടികൾക്കുള്ള കാലിത്തീറ്റ വിതരണം നാളെ രാവിലെ 8.30 മുതൽ 9.0 വരെ കൂത്രപ്പള്ളി ക്ഷീരസംഘത്തിൽ നടക്കും.
വാകത്താനം ∙ കന്നുകുട്ടികൾക്കുള്ള കാലിത്തീറ്റ വിതരണം ഇന്നു 10 മുതൽ 2 വരെ പൊങ്ങന്താനം ക്ഷീരസംഘത്തിൽ നടക്കും.
പിഎം കിസാൻ പദ്ധതി
കുറിച്ചി ∙ കൃഷിഭവൻ പരിധിയിൽ പിഎം കിസാൻ ആനുകൂല്യം കൈപ്പറ്റുന്നവർ 30നുള്ളിൽ കെവൈസി, ലാൻഡ് വെരിഫിക്കേഷൻ എന്നിവ നടത്തണമെന്നും ഇല്ലെങ്കിൽ തുടർ ആനുകൂല്യം നഷ്ടപ്പെടുമെന്നും കൃഷി ഓഫിസർ അറിയിച്ചു. ലാൻഡ് വെരിഫിക്കേഷൻ ചെയ്യുന്നതിന് കൃഷിഭവനുമായി ബന്ധപ്പെടണം.
മാടപ്പള്ളി ∙ കൃഷിഭവൻ പരിധിയിൽ പിഎം കിസാൻ പദ്ധതി ഗുണഭോക്താക്കൾക്ക് ഇ കെവൈസി, ലാൻഡ് വെരിഫിക്കേഷൻ എന്നിവ പൂർത്തിയാക്കുന്നതിന് ഇന്നു മുതൽ 30 വരെ പഞ്ചായത്ത് ഹാളിൽ ജനസേവന കേന്ദ്രം, അക്ഷയ സെന്റർ എന്നിവയുടെ സേവനം ലഭ്യമാണെന്ന് കൃഷി ഓഫിസർ അറിയിച്ചു. ഈ വർഷത്തെ കരം അടച്ച രസീത്, ആധാർ കാർഡ്, ബാങ്ക് പാസ് ബുക്ക്, റേഷൻ കാർഡ്, പദ്ധതിയിൽ റജിസ്റ്റർ ചെയ്ത ഫോൺ നമ്പർ എന്നിവയുമായി എത്തണം. ഇ കെവൈസി, ലാൻഡ് വെരിഫിക്കേഷൻ എന്നിവ 30നുള്ളിൽ പൂർത്തിയാക്കാത്തവർക്ക് പിഎം കിസാൻ ആനുകൂല്യം ലഭിക്കില്ലെന്നും കൃഷി ഓഫിസർ അറിയിച്ചു.
അർധ വാർഷിക നികുതി
തൃക്കൊടിത്താനം ∙ പഞ്ചായത്തിൽ 2022-23ലെ അർധ വാർഷിക നികുതി 30 വരെ പിഴ കൂടാതെ അടയ്ക്കാമെന്ന് സെക്രട്ടറി അറിയിച്ചു.
സ്പോട് അഡ്മിഷൻ
കോട്ടയം ∙ സെന്റർ ഫോർ പ്രഫഷനൽ ആൻഡ് അഡ്വാൻസ്ഡ് സ്റ്റഡീസിനു കീഴിലുള്ള ഇൻസ്റ്റിറ്റ്യൂട്ട് ഓഫ് ലൈബ്രറി ആൻഡ് ഇൻഫർമേഷൻ സയൻസിൽ ലൈബ്രറി സയൻസ് കോഴ്സിലെ (രണ്ടു വർഷം) ഒഴിവുള്ള സീറ്റുകളിലേക്കു നാളെ സ്പോട് അഡ്മിഷൻ നടത്തുന്നു. ഡിഗ്രിയാണു യോഗ്യത. ഫോൺ: 9961029075.
ചങ്ങനാശേരി ∙ ചങ്ങഴിമറ്റം, റെയിൽവേ ബൈപാസ്, ഏലംകുന്ന് പള്ളി ട്രാൻസ്ഫോമറുകളുടെ പരിധിയിൽ ഇന്ന് ഭാഗികമായി വൈദ്യുതി മുടങ്ങും.
ബാങ്ക് സമയം മാറ്റി
നെടുംകുന്നം ∙ റീജനൽ സഹകരണ ബാങ്ക് പ്രവർത്തനം രാവിലെ 8 മുതൽ വൈകിട്ട് 8 വരെ മാറ്റിയതായി സെക്രട്ടറി അറിയിച്ചു.