ഭർത്താവിനൊപ്പം രാവിലെ നടക്കാൻ പോയ വീട്ടമ്മയ്ക്ക് ടിപ്പറിടിച്ച് ദാരുണാന്ത്യം

വൈക്കം ∙ ഭർത്താവിനൊപ്പം പ്രഭാതസവാരിക്കു പോയ വീട്ടമ്മ ടിപ്പ‍ർ ലോറി ഇടിച്ച് മരിച്ചു. കുലശേഖരമംഗലം കൊച്ചുപ്ലാം വീട്ടിൽ മത്തായി പൗലോസിന്റെ ഭാര്യ ത്രേസ്യാമ്മ (55) ആണ് മരിച്ചത്. ഇന്നലെ രാവിലെ 6.30നു ടോൾ–ചെമ്മനാകരി റോഡിൽ തേവടി പാലത്തിനു സമീപമാണ് അപകടം.

സമീപത്തെ വീട്ടുമുറ്റത്തു നിന്ന് പിന്നോട്ടെടുത്ത ടിപ്പർ ലോറി, റോഡിലൂടെ നടന്നുപോകുകയായിരുന്ന ത്രേസ്യാമ്മയെ ഇടിച്ചുവീഴ്ത്തുകയായിരുന്നു.മക്കൾ: അനൂപ്, അനീറ്റ (നഴ്സിങ് വിദ്യാർഥി). സംസ്കാരം ഇന്നു 10നു ചെമ്പ് സെന്റ് തോമസ് യാക്കോബായ പള്ളിയിൽ.