കോട്ടയം ജില്ലയിൽ ഇന്ന് (27-11-2022); അറിയാൻ, ഓർക്കാൻ
Mail This Article
ജലവിതരണം മുടങ്ങും
കോട്ടയം ∙ ഹെഡ് പോസ്റ്റ് ഓഫിസിന് സമീപം പൈപ്പ് ലൈനിൽ ചോർച്ചയുള്ളതിനാൽ നഗരസഭയിലെ 48, 49, 23, 24, 25 13, 14 വാർഡുകളിൽ ജലവിതരണം മുടങ്ങും. തിങ്കളാഴ്ച വൈകുന്നേരത്തോടെ പുനഃസ്ഥാപിക്കും.
കാലിത്തീറ്റ വിതരണം
കൂരോപ്പട ∙ കന്നുകുട്ടി പരിപാലന പദ്ധതി പ്രകാരമുള്ള കാലിത്തീറ്റ വിതരണം 29 ന് 10 ന് സംഘത്തിൽ നടത്തും. ഗുണഭോക്താക്കൾ അന്നു തന്നെ വാങ്ങണം.
പാമ്പാടി ∙ ഈസ്റ്റ് സംഘത്തിലെ കാലിത്തീറ്റ വിതരണം നാളെ 11 മുതൽ ഒന്നു വരെ നടത്തും. പുതുക്കിയ വില 60 കിലോ – 900 രൂപ, 75 കിലോ – 1125 രൂപ.
സ്പോട് അഡ്മിഷൻ
മറ്റക്കര ∙ മോഡൽ പോളിടെക്നിക് കോളജിൽ ഇലക്ട്രോണിക് എൻജിനീയറിങ്, ഇലക്ട്രോണിക് ആൻഡ് കമ്യൂണിക്കേഷൻ എൻജിനീയറിങ്, കംപ്യൂട്ടർ ഹാർഡ്വെയർ എൻജിനീയറിങ്, കംപ്യൂട്ടർ എൻജിനീയറിങ് ശാഖകളിലേക്ക് 29 വരെ സ്പോട് അഡ്മിഷൻ നടത്തും. ഫോൺ: 7907325067, 9947130573.
മീൻകൃഷി പരിശീലനം
മണർകാട് ∙ വെള്ളൂർ ട്രോപ്പിക്കൽ ഇൻസ്റ്റിറ്റ്യൂട്ട് കറിക്കൊരു മീൻ എന്ന പേരിൽ വീട്ടിലെ മീൻകൃഷി പദ്ധതി പരിശീലനം നൽകും. ഡിസംബർ 3 നാണു പരിശീലനം. റജിസ്റ്റർ ചെയ്യണം. ഫോൺ – 9633723305.