കുറിച്ചി ∙ ലോകം ഉള്ളിടത്തോളം ഗുരുദേവ ദർശനത്തിന്റെ വ്യാപ്തി വർധിച്ചുകൊണ്ടിരിക്കുമെന്നു ഗോവ ഗവർണർ പി.എസ്.ശ്രീധരൻ പിള്ള. ആലുവ സർവമത സമ്മേളനത്തിന്റെയും വൈക്കം സത്യഗ്രഹത്തിന്റെയും ശതാബ്ദി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. കുറിച്ചി അദ്വൈതവിദ്യാശ്രമം കൺവൻഷനോടനുബന്ധിച്ചാണ് സമ്മേളനം നടത്തിയത്. ശിവഗിരിമഠം ശ്രീനാരായണ ധർമസംഘം ട്രസ്റ്റ് ജനറൽ സെക്രട്ടറി സ്വാമി ശുഭാംഗാനന്ദ അധ്യക്ഷത വഹിച്ചു. ചങ്ങനാശേരി പുതൂർപള്ളി  ചീഫ് ഇമാം ഡോ.ഹാഫിസ് അർഷദ് ഫലാഹി, കുറിച്ചി സെന്റ് സേവ്യേഴ്‌സ് പള്ളി വികാരി ഫാ.ജോസഫ് തറയിൽ, ആശ്രമം സെക്രട്ടറി സ്വാമി കൈവല്യാനന്ദ സരസ്വതി, ഗിരിജമ്മ രാജേന്ദ്രൻ, അഞ്ജന അനീഷ് എന്നിവർ പ്രസംഗിച്ചു.